Sumardagar og sumareinkunn það sem af er

Ritstjóri hungurdiska hefur undanfarin ár búið til lista yfir það sem hann kallar sumardaga í Reykjavík og á Akureyri. Skilgreininguna má finna í eldri pistli (20. júní 2013).

Niðurstaða talningar fyrir maí og júní í ár kemur nokkuð á óvart miðað við það hvaða umtal veðráttan hefur fengið. Sumardagarnir í Reykjavík eru 8 til þessa (þar af 3 í maí), en 16 á Akureyri (þar af 9 í maí). Á árunum 1961 til 1990 var heildarfjöldi sumardaga hvers árs að meðaltali 13 í Reykjavík, en 35 á Akureyri. Á þessari öld hefur veðurlag verið hagstæðara og meðalsumardagafjöldi í Reykjavík 35, en 43 á Akureyri. Um samanburð og úttekt á því besta og versta má lesa í uppgjörspistli ársins í fyrra (3. september)

Ritstjórinn reiknar einnig það sem hann kallar sumareinkunn. Hún miðast við meðalhita, úrkomu, úrkomudaga- og sólskinsstundafjölda. Einstakur mánuður getur hæst náð 16 stigum. Júnímánuður 2017 fær líklega 8 í Reykjavík - ekkert sérlega gott, en ekkert sérlega slæmt heldur. 


« Síðasta færsla | Næsta færsla »

Athugasemdir

1 identicon

Fróðlegt. Þetta kemur mér alls ekki á óvart. Í báðum þessum mánuðum hafa komið virkilega góðir dagar en væntingar fólks til sumarveðursins eru oft algjörlega úr tengslum við allan veruleika. 

Hjalti Þórðarson (IP-tala skráð) 1.7.2017 kl. 18:20

2 identicon

Svo er að sjá á af níu daga spá fyrir 500 hPa kort ECMWF að kaldi pollurinn umhverfis Ísland sæki heldur í sig veðrið frekar en hitt og áframhaldandi sendingar til viðhalds komi frá svæðinu norðan Norður-Grænlands, þ.e.a.s. ef fávíst gamalmenni túlkar kortið rétt. Hundadagar byrja þ. 13. júlí minnir mig og það var gömul trú að veður fram til loka þeirra yrði með svipuðu móti og sá fyrsti eða þeir fyrstu. Líklega er eitthvað til í því, það er mikil tregða í veðurfari á þessum árstíma. Sumsé útséð með það sem flestir kalla "gott sumar", slíkt verður ekki á boðstólum 2017.

Þorkell Guðbrandsson (IP-tala skráð) 2.7.2017 kl. 14:38

3 Smámynd: Trausti Jónsson

Spá um kvart og kvein gengur sjálfstagt eftir -

Trausti Jónsson, 2.7.2017 kl. 15:09

Bæta við athugasemd

Ekki er lengur hægt að skrifa athugasemdir við færsluna, þar sem tímamörk á athugasemdir eru liðin.

Um bloggið

Hungurdiskar

Höfundur

Trausti Jónsson
Trausti Jónsson
Höfundur er veðurfræðingur og áhugamaður um veður.

Færsluflokkar

Maí 2024
S M Þ M F F L
      1 2 3 4
5 6 7 8 9 10 11
12 13 14 15 16 17 18
19 20 21 22 23 24 25
26 27 28 29 30 31  

Nýjustu myndir

  • Slide10
  • Slide9
  • Slide11
  • w-1945v
  • Slide8

Heimsóknir

Flettingar

  • Í dag (23.5.): 54
  • Sl. sólarhring: 93
  • Sl. viku: 1595
  • Frá upphafi: 2356052

Annað

  • Innlit í dag: 50
  • Innlit sl. viku: 1480
  • Gestir í dag: 47
  • IP-tölur í dag: 46

Uppfært á 3 mín. fresti.
Skýringar

Eldri færslur

Innskráning

Ath. Vinsamlegast kveikið á Javascript til að hefja innskráningu.

Hafðu samband