Snjódýptarmet á Akureyri

Reglulegar snjódýptarmælingar hafa verið gerðar á Akureyri frá 1965. Snjódýptin sem mældist að morgni 30.nóvember er sú mesta þar í þeim mánuði, 75 cm. Næstmest mældist 22. og 23. nóvember 1972, 70 cm. Í morgun, 3.desember, mældist snjódýpt á Akureyri 105 cm, sem er það mesta sem mælst hefur þar í desember. Næstmest mældist 7. til 9.desember 1965, 100 cm. Höfum í huga að snjódýptarmælingar eru mjög ónákvæmar og nýju metin eru innan óvissumarka ofan við eldri met.