Hiti á þorra - og fyrstu fjóra vetrarmánuðina

Í dag, 18. febrúar hefst góa, fimmti mánuður vetrar að fornu íslensku tali. Þorri er næstur á undan og hefur ritstjóri hungurdiska nú reiknað meðalhita hans í Reykjavík - og sömuleiðis hita aftur til fyrsta vetrardags, en í haust bar hann upp á 21. október.

w-blogg180218-thorri-a

Látrétti ásinn sýnir tíma. Upplýsingar vantar fyrir meðalhita fáeinna daga nokkurra ára fyrir 1920. Þorrinn hefur þó sloppið allvel út úr þessum vöntunum. Við tökum fyrst eftir því að breytileiki er mjög mikill frá ári til árs og fer þorri allflestra ára sínar eigin leiðir. Þorrinn 2018 er rétt neðan meðallags tímabilsins alls (meðalhiti -0,6 stig) ásamt þorranum 2016 sem var sjónarmun kaldari en sá nýliðni (-0,7 stig). Síðan þarf að fara aftur til þorrans 2002 til að finna eitthvað kaldara en nú (-2,9). Sérlega hlýtt var á þorranum í fyrra (2017, +3,6 stig).

w-blogg180218-thorri-b

Myndin sýnir meðalhita fyrstu fjögurra mánaða íslenska vetrarins í Reykjavík (gormánaðar, ýlis, mörsugar og þorra). Nokkuð vantar af stökum dögum fyrir 1920 - hægt væri að bæta úr - en ritstjórinn hefur ekki gert það. Hér þarf að gæta þess að ártölin eru sett við enda tímabilsins. Þannig táknar merkingin 1974 tímabilið frá fyrsta vetrardegi 1973 til þorraloka 1974. Sérlega kalt var í gormánuði og ýli 1973 en hlýrra í síðari mánuðunum tveimur - og svo fádæma hlýtt á vetrinum eftir það. 

En fyrstu fjórir mánuðir vetrar (2017-)2018 eru rétt sjónarmun kaldari en sömu mánuðir (2015-)2016 - ekki munar þó miklu (+0,3 stig nú, en +0,6 2016). En það þarf að fara aftur til (1996-)1997 til að finna tímabil þegar þessir mánuðir voru mun kaldari en nú (-0,3 stig). Á árunum (1973-)1984 var þetta tímabil alltaf kaldara en nú. 


« Síðasta færsla | Næsta færsla »

Athugasemdir

1 Smámynd: Jón Kristjánsson

Mér sýnist halli leitnilínunnar upp á við ráðast af hitafarinu fyrir um 1920, sérstaklega 4 mánaða myndinni. Væri hún reiknuð frá eftir 1920 þar til í dag yrði hún líklega því sem næst lárétt eða hvað? 

Jón Kristjánsson, 18.2.2018 kl. 13:56

2 Smámynd: Trausti Jónsson

Hef mjög oft fjallað hér um leitnimál, hvað ítarlegast í tveimur pistlum fyrir rúmu ári, 25. og 26. janúar 2017 (verður sennilega að afrita og líma tenglana til að fá þá upp):

https://trj.blog.is/blog/trj/entry/2189193/
https://trj.blog.is/blog/trj/entry/2189261/

En það þarf að vanda valið mjög vel eigi að gera lítið úr hlýnuninni -

Trausti Jónsson, 18.2.2018 kl. 14:08

3 Smámynd: Halldór Jónsson

Er ekki dásmlegt að það skuli hafa hlýnað aðeins? Hraktist ekki fólk til vesturheims unnvörpum vegna kuldanna um 1880?

Og svo skulum við eyða skattfé okkar til að vinna á móti hlýnun sem við segjum af mannavöldum? Hversu vitlausir getum við verið eða orðið Íslendingar?

Halldór Jónsson, 18.2.2018 kl. 16:59

Bæta við athugasemd

Ekki er lengur hægt að skrifa athugasemdir við færsluna, þar sem tímamörk á athugasemdir eru liðin.

Um bloggið

Hungurdiskar

Höfundur

Trausti Jónsson
Trausti Jónsson
Höfundur er veðurfræðingur og áhugamaður um veður.

Færsluflokkar

Maí 2024
S M Þ M F F L
      1 2 3 4
5 6 7 8 9 10 11
12 13 14 15 16 17 18
19 20 21 22 23 24 25
26 27 28 29 30 31  

Nýjustu myndir

  • Slide10
  • Slide9
  • Slide11
  • w-1945v
  • Slide8

Heimsóknir

Flettingar

  • Í dag (21.5.): 346
  • Sl. sólarhring: 353
  • Sl. viku: 1892
  • Frá upphafi: 2355739

Annað

  • Innlit í dag: 323
  • Innlit sl. viku: 1747
  • Gestir í dag: 303
  • IP-tölur í dag: 302

Uppfært á 3 mín. fresti.
Skýringar

Eldri færslur

Innskráning

Ath. Vinsamlegast kveikið á Javascript til að hefja innskráningu.

Hafðu samband