Ný októberhitamet í háloftum

Hitamet októbermánaðar voru slegin í háloftaathugun yfir Keflavíkurflugvelli um hádegi í dag (laugardag 28. október), bæði í 500 hPa og 400 hPa. Hiti í 500 hPa fór í -10,6 stig (eldra met -11,1 stig frá 1987 og 1991, en hiti í 400 hPa í -20,8 stig, eldra met var -21,7 stig (líka frá 1987 og 1991). Frostmarkshæð á miðnætti var í 3490 metrum yfir Keflavík(hærra en hábunga Grænlands) - það mun nærri októbermeti, en (óábyrgir) skyndireikningar ritstjóra hungurdiska benda þó til þess að metið hafi ekki verið slegið.

Athugasemdir

[Hjalti Þórðarson (IP-tala skráð) 28.10.2017 kl. 20:28]

Þetta hlýtur að teljast nokkuð gott met, þ.e. hitalega. Man ekki hvort ég hafi einhversstaðar séð íslandsmetin á ársgrundvelli, í 500 og 400 hp, á síðunni hjá þér Trausti. Hver eru þau svona til samanburðar? 

[Trausti Jónsson, 29.10.2017 kl. 00:00]

Árshámarksmetið í 500 hPa er -7,6°C, en -16,3°C í 400 hPa. Það leikur hins vegar nokkur vafi á því hvort þessi mæling sé rétt - en ég treysti mér ekki til að afskrifa hana nema fara lið fyrir lið í gegnum frumgögnin.