Nóvemberhámörk - nokkrir nördamolar

Hlýtt hefur verið á landinu í dag (mánudag 7. nóvember) - en ekki samt nálægt mánaðarhitametum nema á nýlegum stöðvum. Hæsti hiti dagsins á landinu mældist 17,9 stig, á Skjaldþingsstöðum í Vopnafirði. 

Hiti hefur hæst komist í 23,2 stig hér á landi í nóvember. Það var þann 11. árið 1999 að sá ótrúlegi árangur náðist á sjálfvirku stöðinni á Dalatanga - mannaða stöðin mældi þá 22,6 stig. Í sömu hitabylgju fór hámarkið einnig yfir 20 stig á Seyðisfirði, Eskifirði og í Neskaupstað - á síðarnefnda staðnum bæði á sjálfvirku og mönnuðu stöðinni. Rúmri viku síðar, þann 19. nóvember 1999 fór hiti aftur í 20 stig á Seyðisfirði og þá einnig á Sauðanesvita vestan Siglufjarðar. 

Þessi tilvik 1999 voru þau fyrstu opinberlega skráðu með meira en 20 stiga hita í nóvember á Íslandi. Síðan hefur tvö tilvik bæst við, á báðum stöðvum á Skjaldþingsstöðum þann 8. nóvember 2011 og á Dalatanga 26. nóvember 2013. Um nákvæmlega þetta hafa hungurdiskar fjallað áður, bæði 2011 og 2013 - flett-flett. 

En - svo er það nokkuð umtalað tilvik frá Kvískerjum í Öræfum frá 1971 - fréttin er úr Þjóðviljanum þann 25. en birtist einnig í öðrum blöðum:

kvisker_23-stig-1971-nov-thjodviljinn2511

Textinn verður læsilegri sé myndin stækkuð. Þeir sem nenna að fletta listanum í viðhenginu komast að því að fáeinar stöðvar eiga sitt nóvemberhitamet þennan dag - 24. 1971 - og japanska endurgreiningin segir þykktina hafa verið í hæstu hæðum - meir en 5580 m yfir landinu suðaustanverðu.

jra-55_nat_gh500_gh500-1000_1971112406_00

Já, það hefði verið athyglisvert að hafa sjálfvirku stöðvarnar sem nú eru í Kvískerjum í nóvember 1971. 

Í viðhenginu er eins og áður sagði nóvemberstöðvametalisti (ekki alveg skotheldur kannski) og einnig má finna þar stöðuna á frostleysulista haustsins - enn er slatti af stöðvum frostlaus fram til þessa í haust.


Skrár tengdar þessari bloggfærslu:

« Síðasta færsla | Næsta færsla »

Athugasemdir

1 identicon

"ótrúlegur árangur" segir Trausti og lýsir veðurfarinu eins og keppni þar sem metin eru slegin í sífellu!

Það er þó spurning hver það sé sem nær þessu ótrúlega árangri. Veðurguðirnir (þ.e. hitaguðinn), Veðurstofan (sem hefur tæki til að mæla þetta) eða pistlahöfundurinn sjálfur (sem skráði þetta)?
Ég hallast reyndar að þeim fyrstnefnda.

En það eru fleiri en hitaguðinn sem ná ótrúlegum árangri. "Ákefðar"guðinn virðist einnig hafa tekist það sem og stormguðinn. Akefðin í úrkomunni var aðdáunarverð en hún var um 12 mm á þremur tímum hér í nágrenni borgarinnar. Stormi gamli lét heldur ekki sitt eftir liggja enda er þetta áttundi dagurinn nú í haust sem meðalvindhraðinn fer yfir 20 m/s. 

Þetta verður að teljast ótrúlegur árangur á öllum sviðum!

Torfi Stefánsson (IP-tala skráð) 8.11.2016 kl. 08:02

Bæta við athugasemd

Ekki er lengur hægt að skrifa athugasemdir við færsluna, þar sem tímamörk á athugasemdir eru liðin.

Um bloggið

Hungurdiskar

Höfundur

Trausti Jónsson
Trausti Jónsson
Höfundur er veðurfræðingur og áhugamaður um veður.

Færsluflokkar

Maí 2024
S M Þ M F F L
      1 2 3 4
5 6 7 8 9 10 11
12 13 14 15 16 17 18
19 20 21 22 23 24 25
26 27 28 29 30 31  

Nýjustu myndir

  • Slide10
  • Slide9
  • Slide11
  • w-1945v
  • Slide8

Heimsóknir

Flettingar

  • Í dag (21.5.): 354
  • Sl. sólarhring: 359
  • Sl. viku: 1900
  • Frá upphafi: 2355747

Annað

  • Innlit í dag: 331
  • Innlit sl. viku: 1755
  • Gestir í dag: 311
  • IP-tölur í dag: 310

Uppfært á 3 mín. fresti.
Skýringar

Eldri færslur

Innskráning

Ath. Vinsamlegast kveikið á Javascript til að hefja innskráningu.

Hafðu samband