Einkunn sumarsins 2016 í Reykjavík

Ritstjóri hungurdiska hefur nú reiknað sumareinkunn Reykjavíkur á sama hátt og undanfarin ár. Leggja verður áherslu á að hér er um leik að ræða en ekki endanlegan dóm, enda smekkur misjafn. Aðferðinni er lauslega lýst í viðhengi, þar er einnig listi um einkunn einstakra mánaða og ára.

Sumarið 2016 kemur mjög vel út í Reykjavík - eins og sjá má á línuritinu.

Sumareinkunn í Reykjavík 1923 til 2016

Lárétti ásinn sýnir tíma - sá lóðrétti sumareinkunn. Hæsta mögulega einkunn er 48, en sú lægsta núll. Sumarið 2009 fær hæstu einkunnina, 41, en sumrin 1928 og 1931 fylgja fast á eftir. Öll sumur áranna 2007 til 2012 eru með meira en 35 í einkunn. Þetta tímabil er einstakt. Sumarið 1983 er á botninum.

Mikil umskipti urðu 2013. Þá kom hraklegasta sumar í Reykjavík í 20 ár. Sumarið 2014 þótti einnig fá heldur laka einkunn - þó náði hún meðallagi áranna 1961 til 1990 (20).

En sumarið í sumar er með 33 í einkunn - hefði talist með bestu sumrum á kalda skeiðinu 1965 til 1995 - og í góðum hóp á hlýskeiði fyrr á öldinni - en jafnast ekki alveg á við öndvegissumrin 2007 til 2012.

Rauði ferillinn sýnir 10-ára meðaltöl og tímabilaskiptingin kemur vel fram.


Nördin huga að viðhenginu.


Skrár tengdar þessari bloggfærslu:

« Síðasta færsla | Næsta færsla »

Athugasemdir

1 Smámynd: Helga Kristjánsdóttir

Ekki minnist ég þessarar sérstöku frammistöðu veðurguðanna sumarið 2009.Ekki að ég efist um réttmæti einkunnarinnar,en yfir mér grúfðu dimm ský upplausnar lýðræðis míns ástfólgna Íslands,sá ekki til sólar lengi vel.

Helga Kristjánsdóttir, 4.9.2016 kl. 02:39

2 Smámynd: Emil Hannes Valgeirsson

Þetta er örugglega ekki fjarri lagi þó sumarið 2016 hafi komið aðeins betur út samkvæmt minni aðferðarfræði. Mér skilst að þú takir vindinn ekki með reikninginn en samkvæmt Veðurstofuathugunum var sumarið júní-ágúst það hægviðrasamasta hingað til (örlítið hægara en 2012). Vaxandi Reykjavíkurskógur á sjálfsagt þarna einhvern þátt.

Emil Hannes Valgeirsson, 4.9.2016 kl. 12:51

3 Smámynd: Trausti Jónsson

Það er rétt Helga að ákveðin sálarský grúfðu yfir sumarið 2009 - en veðrið var sérlega gott engu að síður. Emil: Vindur er ekki tekinn með - ástæðan eru þær miklu breytingar sem orðið hafa á síðustu áratugum - bæði vegna aukins gróðurs í námunda við reit Veðurstofunnar - (og almennt) og fjölmörg skipti á vindhraðamælum í áranna rás - sem ekki hefur verið leiðrétt fyrir - en það var aðallega sólarleysi í júní sem dró sumarið niður í einkunn - júní fékk þannig aðeins 6 stig af 16 mögulegum - en ágúst 14. Geri fljótlega grein fyrir vindhraða sumarsins á landsvísu. 

Trausti Jónsson, 4.9.2016 kl. 13:21

Bæta við athugasemd

Ekki er lengur hægt að skrifa athugasemdir við færsluna, þar sem tímamörk á athugasemdir eru liðin.

Um bloggið

Hungurdiskar

Höfundur

Trausti Jónsson
Trausti Jónsson
Höfundur er veðurfræðingur og áhugamaður um veður.

Færsluflokkar

Maí 2024
S M Þ M F F L
      1 2 3 4
5 6 7 8 9 10 11
12 13 14 15 16 17 18
19 20 21 22 23 24 25
26 27 28 29 30 31  

Nýjustu myndir

  • Slide10
  • Slide9
  • Slide11
  • w-1945v
  • Slide8

Heimsóknir

Flettingar

  • Í dag (21.5.): 345
  • Sl. sólarhring: 352
  • Sl. viku: 1891
  • Frá upphafi: 2355738

Annað

  • Innlit í dag: 322
  • Innlit sl. viku: 1746
  • Gestir í dag: 302
  • IP-tölur í dag: 301

Uppfært á 3 mín. fresti.
Skýringar

Eldri færslur

Innskráning

Ath. Vinsamlegast kveikið á Javascript til að hefja innskráningu.

Hafðu samband