Kuldakast í Mið- og Suður-Evrópu

Hæðarhryggurinn sem færir okkur hlákuna stuggar köldu lofti til suðurs um Evrópu. Það mun halda áfram að valda þar vandræðum næstu daga. Umfang þess sést mjög vel á kortinu hér að neðan. Kortið sýnir spá bandarísku veðurstofunnar um hæð 500 hPa-flatarins og þykktina um miðnætti á mánudagskvöld.

w-blogg281214a

Ísland er ofarlega til vinstri á myndinni sem annars sýnir alla Evrópu og nær allt til Miðausturlanda. Þegar spáin gildir eru hlýindin í hámarki hér á landi. Þykktinni er spáð í 5520 metra þar sem mest er yfir Austurlandi - en kaldara loft er farið að sækja að Vesturlandi úr vestri. 

Hæðarhryggurinn hefur nærri því lokað af tungu af köldu lofti. Hér liggur tungan allt suður til Norður-Afríku og snjókoma er hugsanleg í Túnis. Veðurstofur Serbíu og Króatíu flagga rauðu á veðurviðvarananeti Evrópuveðurstofa og víða verður illt í efni.  

En svo mikill órói er í vestanvindabeltinu þessa dagana að þessi kuldatunga á ekki að festast heldur mun hún áfram til austurs og síðan mildast fyrir næstu helgi.

Vestanhafs er gríðarmikið háþrýstisvæði á leið til suðurs meðfram Klettafjöllunum austanverðum - þrýstingur í spám er vel yfir 1055 hPa. Því fylgir tunga af köldu lofti. Nú er ekki ljóst hvort hún kemst alla leið til Kaliforníu - hún gerir það í spáheimum en þeir eru ekki alltaf áreiðanlegir - eins og við vitum vel.  


« Síðasta færsla | Næsta færsla »

Athugasemdir

1 Smámynd: P.Valdimar Guðjónsson

Hefði gjarnan mátt vera hláka aðeins fleiri daga skv. nyjustu spám.   Klaka og hálkuvesen á hlöðum og vegum.  Snjóalög á túnum og útjörð frekar til vandræða ef það bunkast upp með nýjum klaka og þíðu á víxl.  Kveðja úr Flóanum.

P.Valdimar Guðjónsson, 28.12.2014 kl. 12:28

Bæta við athugasemd

Ekki er lengur hægt að skrifa athugasemdir við færsluna, þar sem tímamörk á athugasemdir eru liðin.

Um bloggið

Hungurdiskar

Höfundur

Trausti Jónsson
Trausti Jónsson
Höfundur er veðurfræðingur og áhugamaður um veður.

Færsluflokkar

Ágúst 2020
S M Þ M F F L
            1
2 3 4 5 6 7 8
9 10 11 12 13 14 15
16 17 18 19 20 21 22
23 24 25 26 27 28 29
30 31          

Nýjustu myndir

  • w-blogg110820a
  • w-blogg090820aa
  • ar_1871p
  • ar_1871t
  • ar_1870p

Heimsóknir

Flettingar

  • Í dag (15.8.): 22
  • Sl. sólarhring: 309
  • Sl. viku: 2925
  • Frá upphafi: 1954265

Annað

  • Innlit í dag: 21
  • Innlit sl. viku: 2585
  • Gestir í dag: 21
  • IP-tölur í dag: 21

Uppfært á 3 mín. fresti.
Skýringar

Eldri færslur

Innskráning

Ath. Vinsamlegast kveikið á Javascript til að hefja innskráningu.

Hafðu samband