Úrkomustaðan

Nú eru aðeins sex dagar eftir af febrúarmánuði og línur skýrast í úrkomumálunum. Sérlega þurrt hefur verið víða um landið vestanvert - en á sama tíma hefur úrkoma verið vel yfir meðallagi norðaustan- og austanlands og reyndar norðan til á Vestfjörðum líka.

Meðaltal úrkomu á árunum 1971 til 2000 er til fyrir allmargar stöðvar sem enn athuga - en líka eru í gangi nýrri stöðvar þar sem meðaltal þetta er ekki til.

Hér er listi yfir stöðvar sem eru nú þegar búnar að ná því sem venjulega er heildarúrkoma febrúarmánaðar. Tölur eru í mm.

stöð	ár	mán	f2014	m7100	vik2014				nafn
231	2014	2	171,8	100,1	71,7		komin yfir meðaltal		Mjólkárvirkjun
400	2014	2	91,5	54,0	37,5		komin yfir meðaltal		Sauðanesviti
409	2014	2	63,7	42,7	21,0		komin yfir meðaltal		Tjörn
422	2014	2	90,4	49,6	40,8		komin yfir meðaltal		Akureyri
463	2014	2	19,6	19,4	0,2		komin yfir meðaltal		Svartárkot
479	2014	2	42,3	32,8	9,5		komin yfir meðaltal		Mánárbakki
620	2014	2	143,0	110,3	32,7		komin yfir meðaltal		Dalatangi
694	2014	2	230,4	152,4	78,0		komin yfir meðaltal		Stafafell
705	2014	2	194,3	146,2	48,1		komin yfir meðaltal		Höfn í Hornafirði

Á eftirtöldum stöðvum er úrkoma orðin meiri heldur en nokkurt sama tímabil mælinga ´(til 22. febrúar).

stöð	ár	mán	dagar	úrkoma	ár eldra hm	eldra hámark	upphaf mælinga		nafn
400	2014	2	22	91,5	1992	71,7	1990		Sauðanesviti
407	2014	2	22	96,0	2012	59,8	2010		Ólafsfjörður
420	2014	2	19	93,3	2002	74,3	1997		Auðnir
437	2014	2	22	111,1	2002	111,0	1997		Þverá í Dalsmynni
527	2014	2	22	244,0	2002	144,9	1994		Skjaldþingsstaðir
565	2014	2	21	137,8	2002	84,8	1991		Svínafell
709	2014	2	22	169,2	2012	129,7	2012		Borgir í Hornafirði

Hér má m.a. sjá að úrkoman það sem af er á Skjaldþingsstöðum er orðin nærri 100 mm meiri en mest hefur mælst áður á sama tíma. Byrjað var að athuga 1994. Mæliskeiðið í Ólafsfirði og á Borgum í Hornafirði er svo stutt að tölurnar segja svosem ekki neitt.

Á þurra endanum eru stöðvarnar í töflunni að neðan. Þar hefur ekki mæst jafnlítil úrkoma sömu daga í febrúar og nú.

stöð	ár	mán	dagafj.	úrk	ár eldra hám	eldra hámark	upphaf mælinga		nafn
108	2014	2	22	0,0	1990	9,5	1988		Stafholtsey
117	2014	2	22	0,1	2010	10,0	1994		Augastaðir
212	2014	2	20	0,1	2010	7,3	1977		Brjánslækur
333	2014	2	21	0,2	2010	1,9	2003		Brúsastaðir
361	2014	2	22	0,3	1986	0,6	1978		Bergstaðir
303	2014	2	22	0,7	1977	1,6	1940		Hlaðhamar
187	2014	2	21	1,3	2010	15,4	2008		Kvennabrekka
321	2014	2	19	2,8	2010	9,4	1992		Ásbjarnarstaðir
951	2014	2	20	3,3	2010	41,9	1981		Nesjavellir
94	2014	2	21	3,4	2010	15,1	1996		Kirkjuból
931	2014	2	22	3,4	2010	25,5	1990		Hjarðarland
221	2014	2	22	3,5	2011	16,7	2005		Hænuvík
97	2014	2	21	3,6	2010	18,0	1991		Neðra-Skarð
149	2014	2	22	7,8	2010	15,7	1995		Hítardalur

Það er á sex stöðvum sem úrkoma hefur mælst minni en 1 mm það sem af er febrúar. Það er mjög óvenjulegt.

Lítið gerðist á 66 ára hitalistanum í dag (laugardag 22. febrúar). Reykjavík er í sama sæti og í gær, því 17. hlýjasta. Akureyri féll um eitt sæti, úr 26 niður í 27. Aftur á móti fór Stykkishólmur upp um sæti á 169 ára listanum, úr því 43. upp í 42. Í hvaða sætum enda stöðvarnar við mánaðamót? 

Athugasemdir

[Hilmar Hafsteinsson (IP-tala skráð) 23.2.2014 kl. 15:01]

Kærar þakkir fyrir úrkomubloggið Trausti. Það væri svo sem í lagi að minna líka á að snjóþyngsli eru veruleg á Vestfjörðum, Norðurlandi og Austurlandi.

Bendi í því sambandi vinsamlegast á nýja frétt á mbl.is:

"Vitlaust kóf á Fjarðarheiði

„Menn eru hættir [að moka] á Oddsskarði vegna vonskuveðurs, þar er bara allt á kafi í snjó,“ segir Gunnar Karlsson, vaktstjóri hjá Vegagerðinni á Akureyri, en fjallvegir eru nú víðast hvar ófærir.

Gunnar segir snjómokstursmenn vinna við mjög erfið skilyrði. „Það er bara allt fullt af snjó. Svo hreyfir vind og þá skefur í þetta.“ Sem stendur er m.a. ófært á Mývatnsöræfum og ófært og stórhríð á Möðrudalsöræfum, Vopnafjarðarheiði og Háreksstaðaleið. Fjarðarheiði er enn ófær en unnið er hörðum höndum við að reyna að opna yfir á Seyðisfjörð.

Ófært er á Vatnsskarði eystra. Snjóþekja, hálka og hálkublettir eru frá Reyðarfirði með ströndinni að Höfn." (http://www.mbl.is/frettir/innlent/2014/02/23/vitlaust_kof_a_fjardarheidi/)

Íbúar á Neskaupstað og Seyðisfirði hafa verið innilokaðir í fimm daga vegna ófærðar!

En þá hljómar auðvitað betur að viðra hitalistann gamalkunna :)

[Sigurður Þór Guðjónsson, 23.2.2014 kl. 16:28]

Þa er hávetur og ekki tiltökumál þó einhvers staðar sé mikill snjór suma daga. Við hverju búast menn? En þessi vetur hefur ekki verið snjóþungur í heild nokkurs staðar miðað við það sem venjan er. Að láta sem sé svo og hvað þá býsnast yfr því er alveg út í hött.

[Hilmar Hafsteinsson (IP-tala skráð) 23.2.2014 kl. 17:14]

Þarna ferð þú einfaldlega með rangt mál SÞG. Mér er vel kunnugt um það að snjóþyngslin á Fjarðarheiði jafnast á við veturinn 1974.

Það er ekki nóg að sitja yfir mælitölum í höfuðborginni. Menn verða að þekkja landsbyggðina.

[Torfi Stefánsson (IP-tala skráð) 23.2.2014 kl. 18:20]

Ég segi nú eins og Hilmar. Það er nú allt í lagi að setja hlutina fram eftir mikilvægi, þ.e. því sem er fréttnæmt, en ekki eftir því sem virðist henta betur (einhverra furðulegra hluta vegna).

Það fréttnæma er auðvitað úrkomuleysið sunnan- og vestanlands, þ.e. þurrkarnir á þéttbýlasta parti landsins, þar sem verið er að slá met á 14 veðurathugunarstöðvum það sem af er febrúar.

Nei ó nei, ekki skal nú byrjað á því heldur á því hve úrkoman sé nú mikil sumstaðar, helst sem lengst frá mannabyggðum!

Fyrst auðvitað hvar hún sé komin yfir meðaltal og svo þar sem hún hefur mælst mest (reyndar helmingi færri stöðvar en þar sem hefur verið þurrast).

Síðan koma upplýsingarnar um úrkoimuleysið!

Svo vantar auðvitað tölur um þær stöðvar þar sem úrkoman hefur verið undir meðaltali.

Þessi undarlegi hlutleysishalli verður til þess að fréttir um úrkomuleysið berst ekki til almennings.

Það, að í Stykkishólmi hafi aðeins einu sinni verið þurrara það sem af er árinu, hefði nú flestum þótt fréttnæmt - og væri það auðvitað ef það væri ekki dregið úr því með fréttum um mikla úrkomu upp á fjöllum Norðaustanlands,já svo ekki sé minnst á hitamet!

Talandi um hitann sem hefur yljað okkur svo mjög það sem af er ári, þá rölti ég um Laugardalinn í dag. Þar var varla fært vegna klaka. Hvernig ætli standi á því, febrúar er jú sá 17. hlýjasti í Rvík það sem af er? Merkilegar mótsagnir!

[Sigurður Þór Guðjónsson, 23.2.2014 kl. 18:52]

Ég var einmitt að tala um landsbyggðina monsjör Hilmar, eftir snjómælingartölum.

[Pálmi Freyr Óskarsson, 24.2.2014 kl. 00:22]

Hmm..........skrýtið Torfi að halda því fram að veðurstöðvar séu einkvað ómerkilegri sem eru fjærri byggð.

Mér finnst nú merkilegt bæði úrkomuleysi vestanlands, og svo úrhellisrigningin austanlands. Snjókoman virðist vera hefðbundið. Hitinn hefur verið að mestu verið í góðu róli, hélst syðst. Enn einstaka sinnum hefur þó komið smá hefðbundið kuldaskot. Og þá helst á allræmdum kuldapollastöðum norðanlands. Loftþrýstingur er búinn að vera mjög lágt. Vindur er búinn að vera sennilega mjög mikill á Vestfjörðum. Enn á Stórhöfða hefur vindur þó verið með minnsta móti þótt illræmd austanátt sé ríkjandi. Þó hefur örfá skipti komið toppvindur.

[Sigurður Þór Guðjónsson, 24.2.2014 kl. 12:46]

Já, Hilmar það er víðast hvar snjólítið eins og Trausti sýnir fram á í næstu færslu eftir þessari. En þar sem mikil úrkoma hefur verið  í austanátt, rigning á láglendi, er ekki annars að vænta en mikill snjór sé þá á Fjarðarheiði í um 600 m hæð og á öðrum fjöllum sem eru áverðurs. En í fyrsta lagi er þetta fjallendi og i öðru lagi er þetta aðeins hlitill hluti landsins. Eftir stendur að venju fremur er sljólítð á landinu í heild og ekki síst á láglendi austanlands.

[Hilmar Hafsteinsson (IP-tala skráð) 24.2.2014 kl. 15:54]

Ég hreinlega skil ekki hvað þér gengur til SÞG: "Snjór er óvenjumikill í fjöllum á Austfjörðum..."(sic) Er þetta ekki alveg nógu skýrt hjá Trausta?

Ég benti í sakleysi mínu á þá staðreynd að "Það væri svo sem í lagi að minna líka á að snjóþyngsli eru veruleg á Vestfjörðum, Norðurlandi og Austurlandi."(sic)

Þetta styð ég með rökum og fréttum um þráláta ófærð fyrir austan og þú geysist fram á ritvöllinn og fullyrðir "Að láta sem sé svo og hvað þá býsnast yfr því er alveg út í hött."(sic)

Fyrr má nú neita en afneita!

[Sigurður Þór Guðjónsson, 24.2.2014 kl. 18:41]

"Það væri svo sem í lagi að minna líka á að snjóþyngsli eru veruleg á Vestfjörðum, Norðurlandi og Austurlandi." Aðeins á fjöllum á austurlandi á þetta við.

[Hilmar Hafsteinsson (IP-tala skráð) 24.2.2014 kl. 19:41]

Enn ferð þú vísvitandi með rangt mál SÞG: "Eina undantekningu er þó skylt að nefna en það eru tölurnar úr Svartárkoti í Bárðardal. Þar er snjór með mesta móti - jafnmikill og mest hefur mælst áður í þessum mánuði."(sic)

Hér er svo glæný frétt úr bb.is: "Lífsnauðsynlegt að gæta ýtrustu varúðar

Vegna mikilla snjóalaga víða á hálendi Vestfjarða, vill Orkubú Vestfjarða og Landsnet benda á að þar sem mikill snjór er víða til fjalla ættu allir þeir sem ferðast utan alfaraleiða að sýna sérstaka aðgát."(http://www.bb.is/Pages/26?NewsID=186659)

[Sigurður Þór Guðjónsson, 25.2.2014 kl. 13:28]

Kannski er ég eitthvað að misskilja þig Hilmar en ég er að halda því fram að þó snjóungt sé á austurlandi til fjalla og stöku öðrum stað er almennt snjólétt á landinu. "Óhætt er að segja að óvenjulítill snjór sé víðast hvar í byggðum landsins - meira að segja í sumum snjóasveitum." Segir Trausti. En þú vílar ekki fyrir þér að halda því fram að menn séu vísvitandi að fara með rangt mál.

[Áskell Örn Kárason (IP-tala skráð) 25.2.2014 kl. 17:45]

Þetta eru asnar, Guðjón