Af hitamálum (12-mánaða keðjumeðaltal í Reykjavík)

Hvernig kom hitinn í Reykjavík árið 2012 út í samhengi fyrstu ára aldarinnar?

w-blogg290113

Lóðrétti ás línuritsins sýnir hita í °C, en sá lóðrétti tíma í árum. Punktarnir sýna 12-mánaða keðjumeðaltöl hita í Reykjavík. Fyrsti punktur markar árið 2000 (janúar til desember) en sá síðasti árið 2012 (janúar til desember).

Ef reiknuð er leitni í gegnum allt tímabilið fæst út hlýnunin 0,3 stig á áratug. Athugið vel að strangt tiltekið er óheimilt eða alla vega illa séð að reikna leitni í gegnum keðjumeðaltöl - því má ekki hafa þessa tölu eftir á almennum markaði. 

Á tímabilinu 2005 til 2012 hefur hitinn greinilega leitað upp - en ekkert slær samt út hlýindin miklu á árunum 2002 til 2004. Þessi miklu hlýindi drepa leitnina þó ekki. Takið eftir því að ef hún heldur áfram - og ekkert annað gerist - tekur 30 ár að komast upp í hæsta 12-mánaðatímabilið á myndinni. Auðvitað geta á þeim tíma komið ámóta hrinur niður á við. 

Munum að línurit sem þetta spá eitt og sér engu um framtíðina - merkilegt hvað margir eru samt á því.

Meðalhiti tímabilsins á myndinni (2000 til 2012) er 5,41 stig, hitinn árið 2012 var 0,13 stigum yfir því meðaltali. Meðalhiti í Reykjavík 1961 til 1990 er 4,31 stig, en meðaltalið 1931 til 1960 er 4,96 stig. 

En vestanáttin lætur enn á sér standa í vetur, skyldi hún hafa gleymst heima? Hvað skyldi febrúar gera?


« Síðasta færsla | Næsta færsla »

Athugasemdir

1 identicon

Ekki græt ég vestanáttina, tekur hún ekki upp raka úr sjónum og dælir éljaklökkum yfir okkur grandvaralausa borgaranna :(  (vona ekki að þú sért með blæti fyrir svona tja.... 19 febrúarlægðum )

Annars bíður maður spenntur eftir janúarmeðaltalinu, hlýtur að vera eitthvað nálægt 3°C?

Ari (IP-tala skráð) 29.1.2013 kl. 12:36

2 Smámynd: Trausti Jónsson

Við erum báðir lítt hrifnir af vestanátt vetur, sumar vor og haust. Janúar ætlar að verða hlýr - líttu við hjá nimbusi - hann fylgist gjörla með hitameðaltölunum frá degi til dags (sjá viðhengi á síðunni sem hér er vísað á).

Trausti Jónsson, 30.1.2013 kl. 00:53

3 Smámynd: Trausti Jónsson

Meðalhiti í Reykjavík 1. til 29. janúar er 2,9 stig.

Trausti Jónsson, 30.1.2013 kl. 00:58

4 identicon

Takk!

Ari (IP-tala skráð) 30.1.2013 kl. 20:09

Bæta við athugasemd

Ekki er lengur hægt að skrifa athugasemdir við færsluna, þar sem tímamörk á athugasemdir eru liðin.

Um bloggið

Hungurdiskar

Höfundur

Trausti Jónsson
Trausti Jónsson
Höfundur er veðurfræðingur og áhugamaður um veður.

Færsluflokkar

Mars 2024
S M Þ M F F L
          1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31            

Nýjustu myndir

  • w-blogg200324b
  • w-blogg200324a
  • Slide10
  • Slide9
  • Slide8

Heimsóknir

Flettingar

  • Í dag (29.3.): 26
  • Sl. sólarhring: 68
  • Sl. viku: 424
  • Frá upphafi: 2343337

Annað

  • Innlit í dag: 22
  • Innlit sl. viku: 382
  • Gestir í dag: 21
  • IP-tölur í dag: 20

Uppfært á 3 mín. fresti.
Skýringar

Eldri færslur

Innskráning

Ath. Vinsamlegast kveikið á Javascript til að hefja innskráningu.

Hafðu samband