Nokkra daga að jafna sig

Veðrakerfi yfir N-Atlantshafi taka nú fáeina daga í að jafna sig á lægðinni miklu sem hungurdiskar hafa fjallað um í síðustu tveimur pistlum. Lægðin grynnkar óðfluga, ruðningur er enn á köldu lofti í átt til vesturstrandar Evrópu en lítið virðist gerast í námunda við Ísland.

Kortið að neðan sýnir stöðuna í 500 hPa-fletinum um hádegi á morgun, mánudag (21. janúar).

Jafnhæðarlínur eru heildregnar og sýna hæð 500 hPa-flatarins í dekametrum (1 dam = 10 metrar). Þykktin er sýnd með rauðum strikalínum, því meiri sem hún er því hlýrri er neðri hluti veðrahvolfs.

Blá ör bendir á 516 dam jafnþykktarlínuna en hún hringar sig í kringum háloftalægðina - og svæði suður af henni. Það er fremur óvenjulegt að svona kalt loft nái suður á þessar slóðir úr vestri (frekar úr norðri). Það er komið yfir Norður-Atlantshafsstrauminn (Golfstrauminn) og hitar yfirborð sjávar nú loftið baki brotnu. Líkanið segir að ekki verði búið að útrýma svæðinu innan við 516 dam línuna fyrr en kl. 6 á þriðjudagsmorgun. Gríðarlegir skúra- og éljaklakkar fylgja kalda loftinu og má búast við illri færð á spænskum og jafnvel Portúgölskum heiðum og í fjallaskörðum næstu daga.

Ísland er hér áfram verndað af fyrirstöðuhæð fyrir austan land - hún er ekki sterk en dugar samt í nokkra daga til viðbótar. Grábleiku svæðin sýna iðuhámörk - iðan er hér mest í löngum borðum sem ekki hreyfast mikið. Við látum frekari umfjöllun um þá bíða betri tíma (eða sleppa þeim alveg).

Þó er skemmtilegt að minnast á það að næsti borði sem berst til Íslands á samkvæmt líkaninu að koma frá Danmörku, þar sem ör bendir á hann. Hann á að renna til norðvesturs meðfram hæðinni og koma upp að landinu á þriðjudag - kannski bætir í úrkomu suðaustanlands - kannski gerist nákvæmlega ekki neitt.

En góður skammtur af kulda er enn yfir Kanada og leitar til austurs. Næsta meginlægð á að verða eitthvað minni en sú síðasta - en síðan fylgja fleiri í kjölfarið.

Athugasemdir

[Ágúst H Bjarnason, 21.1.2013 kl. 09:06]

Boris Johnson borgarstjóri Lundúna virðist hafa fengið nóg af snjónum í vetur og undanfarna vetur. Hann skrifaði grein um málið í The Telegraph í gær: http://www.telegraph.co.uk/comment/columnists/borisjohnson/9814618/Its-snowing-and-it-really-feels-like-the-start-of-a-mini-ice-age.html

[Sveinn Atli Gunnarsson, 21.1.2013 kl. 16:55]

Merkilegt hvernig hvert hálmstrá er dregið upp varðandi meinta kólnun jarðar með tilvísanir í staðbundið veður. Misvitrir stjórnmálamenn koma með vangaveltur um komandi ísöld með tilvísun í Piers Corbin, m.a. segir téður Boris eftirfarandi:

I am speaking only as a layman who observes that there is plenty of snow in our winters these days, and who wonders whether it might be time for government to start taking seriously the possibility — however remote — that Corbyn is right.

Hér undir má lesa orð vísindamanns um aðferðafræði Piers Corbyn (sem ekki hefur birt kenningar sínar á fræðasviðinu):

"Climate science shows that the sun does have an influence on climate; this is not controversial. The planet responds to changes in the flux of energy that it intercepts from the Sun - known as the Total Solar Irradiance (TSI). What is in dispute is whether the sun has contributed to the energy imbalance (and associated energy accumulation) that the earth has experienced over the last half-century or so. Climate scientists have concluded that the answer is no, based on the known ways in which the sun exerts its influence.

"If anything, the sun (through a slightly lower TSI) has diminished the human-induced warming a little. But it may be that there are solar influences not recognised or understood. In this respect, Piers Corbyn should publish his insights so that they can be scrutinised and a judgement made about their credibility. If he has a genuine contribution to make, why would he not do so? The issue is, after all, rather important!"

Nánar - Climate scientists on Boris Johnson's climate whiff-whaff

Nokkrar tilvísanir í Corbyn og hans hlutlæga mat á loftslagsfræðunum, sjá nánar Piers Corbyn:

It's nothing to do with mankind and those who say that are just trying to make money out of carbon trading and the like.

These things are dictated by solar activity and the moon.

Its nothing to do with CO2 . Those who say that have no evidence for it , there's only evidence against. They are on a gravy train.

Ice is starting to increase again in the arctic and it has been increasing for a long time in the Antarctic.

(On the 2003 heatwave) It has nothing to do with global warming. We have had heatwaves in the past and the average world temperatures have gone up in the last hundred years, that is correlated best with particles from the sun

(On CRU hack)It means we do not have a reliable measure of how temperatures have changed over the last 50 or 100 years

Meint ísöld virðist vera enn eitt þunnt hálmstrá "efasemdamanna" um hnattræna hlýnun af mannavöldum - ekkert nýtt í því í sjálfu sér - sjá t.a.m. um hina margendurteknu mýtu MÝTA - Lítil ísöld eða kuldaskeið er á næsta leiti.

[Sveinn Atli Gunnarsson, 21.1.2013 kl. 19:20]

Leiðrétting:

Orðið "hlutlæga" hér í minni síðustu athugasemd ber að vera "huglæga", þ.e. "Nokkrar tilvísanir í Corbyn og hans huglæga mat á loftslagsfræðunum, sjá nánar Piers Corbyn:" Kannski ætti jafnvel að segja einhliða og huglæga mat Corbyns, enda hans persónulegu skoðanir sem hafa lítið með raunveruleikann að gera...

[Sveinn Atli Gunnarsson, 21.1.2013 kl. 19:41]

Smá viðbót varðandi þessa grein borgarstjórans í London. Gott að vita til þess að svona vitleysu eins og hann heldur fram og "efasemdarmenn" lepja upp, sé núorðið svarað nánast strax á fjölmörgum stöðum, m.a. á SkepticalScience, þar sem lesa má eftirfarandi færslu, Open Letter to London Mayor Boris Johnson - Weather is not Climate. Þarna má m.a. lesa eftirfarandi:

Even with the rapid rate of global warming, it will still be cold enough in winter to snow in most places where that has historically been the case. Nevertheless, we are in the midst of the hottest decade on record, which is also difficult to reconcile with Corbyn's assertions that we are headed into a mini ice age.

[Bjarni Gunnlaugur (IP-tala skráð) 21.1.2013 kl. 22:09]

Spurning sem ég beindi til kollega þíns en fékk ekki svar.  Ef ekki væri fyrir fyrirstöðuhæðina, væri þá uppi svipuð staða og í fyrra vegna þessara suðlægu vestanvinda?  Að lægðir æddu með látum, langt fyrir sunnan land og yfir Færeyjar eða Skotland og sveigja svo yfir Skandinavíu en hér værum við í rólegheita vetrarstillum með stöku rafmagnstruflandi áhlaupum frá Grænlandsjökli?

[Trausti Jónsson, 22.1.2013 kl. 01:25]

Skemmtilegur karl, Boris (alla vega úr hæfilegri fjarlægð). Atvinnustjórnmálamenn verða að láta sig hafa það að viðra skoðanir sem þeir telja að falli helst í kram kjósenda á hverjum tíma - ég heyrði ekki í Obama í dag - hvaðan skyldi vindurinn hafa blásið á þeim bæ?

Bjarni, ef ekki væri fyrirstöðuhæðin? Þessi fyrirstaða er ekki sérlega öflug - en hún er orðin til vegna afbrigðilegrar legu háloftavindrasta. Þær henda henni hingað í stað þess að liggja hér um eins og í febrúar í fyrra (19 lægðir á 29 dögum).

[Sveinn Atli Gunnarsson, 22.1.2013 kl. 16:04]

Atvinnustjórnmálamenn þurfa stundum að grípa til alls kyns misviturra ummæla til að reyna að falla í kramið hjá kjósendum - þeir eiga allt sitt á vinsældarkönnunum þeim sem þeir ganga í gegnum á nokkura ára fresti, það er rétt. Það krefst þó þors að þora að segja skoðanir sem eru ekki endilega í takt við það sem kjósendur vilja heyra. Ætli það sé þó ekki hægt að ætlast til að menn eins og Boris hafi fyrir því að athuga heimildir sínar - það væri framför í tilfellum eins og um er rætt hér að ofan.

Mín persónulega skoðun er sú, að fólk getur vel haft góð rök (ekki sjálfgefið þó) fyrir persónulegum skoðunum á skattstigi, vegamálum, sjúkrakerfi o.s.frv. (vonandi með tilvísun í eitthvað raunhæft) - en það er verra þegar það viðrar skoðanir sem eru í mótstöðu við viðurkennd vísindi, eins og þessi vitleysa hans Boris. Tek reyndar undir að Boris er fjarska skemmtilegur og getur alveg komið með skemmtileg skot í umræðunni...hann mætir gjarnan í viðtöl í spjallþáttum og viðrar sig og sínar skoðanir á gamansaman hátt.

Varðandi Obama, þá kom hann með ummæli um loftslagsbreytingar í setningarræðunni í gær, m.a. eftirfarandi:

We, the people, still believe that our obligations as Americans are not just to ourselves, but to all posterity. We will respond to the threat of climate change, knowing that the failure to do so would betray our children and future generations.

Sjá nánar, Can Obama make defeating climate change his legacy?.

Annars er grundvallar munur á ummælum sem byggjast á skoðunum manna eins og Piers Corbyn (sem virðast byggjast á hans eigin óskjalfestu hugmyndum um loftslagsmálin) eða þá að hafa skoðun á því hvernig ber að takast á við þær loftslagsbreytingar sem eru í gangi og eru mjög vel skjalfestar með alvöru gögnum og rannsóknum sem gerðar eru af þúsundum vísindamanna um allan heim. Ég er ekki að meta hvort að Obama muni takast að setja sitt mark á lausnir til framtíðar, eða hvort að þetta eru bara innantóm orð sem ekki munu leiða til frekari aðgerða - en allavega gott að viðurkenna vandamálið, það er skref í rétta átt.