Fyrri hluti júnímánaðar

Meðalhiti fyrri hluta júnímánaðar er 9,8 stig í Reykjavík, það er +0,5 stigum ofan meðallags 1991 til 2020 og +0,2 stigum ofan meðallags síðustu tíu ára og raðast í 13.hlýjasta sæti (af 22) á öldinni. Hlýjastur var fyrri hluti júní árið 2002, meðalhiti þá 12,0 stig, en kaldastur var hann 2001, meðalhiti 7,6 stig. Á langa listanum er hitinn í 20. hlýjasta sæti (af 150). Fyrri hluti júní 2002 er líka hæstur á þeim lista, en 1885 í því neðsta, þá var meðalhiti aðeins 5,8 stig.
 
Á Akureyri er meðalhiti nú 10,3 stig, +1,4 stigum ofan meðallags 1991 til 2020 og +0,9 stigum ofan meðallags síðustu tíu ára.
 
Að tiltölu hefur verið hlýjast á Suðausturlandi, þar raðast hitinn í fjórðahlýjasta sæti aldarinnar, en kaldast að tiltölu hefur verið á Ströndum og Norðurlandi vestra þar sem hitinn er í 13. sætinu.
 
Á einstökum veðurstöðvum er jákvæða vikið mest á Fjarðarheiði. Þar hefur hiti verið 2,6 stig ofan meðallags síðustu tíu ára, en kaldast (að tiltölu) hefur verið við Setur, hiti þar -0,8 stigum neðan meðallags (grunsamlega mikið).
 
Úrkoma hefur mælst 22 mm í Reykjavík og er það rétt rúmlega meðallag. Á Akureyri hefur úrkoman mælst 3,3 mm sem er um 40 prósent meðalúrkomu fyrri hluta júní.
 
Sólskinsstundir hafa mælst 97,8 í Reykjavík, 7 stundum neðan meðallags. Á Akureyri hafa mælst 89,2 stundir og er það 10 stundum neðan meðallags.

« Síðasta færsla | Næsta færsla »

Athugasemdir

1 Smámynd: Ásgeir Rúnar Helgason

Takk fyrir þetta Trausti.

Ásgeir Rúnar Helgason, 16.6.2022 kl. 21:10

2 identicon

Hvernig er meðalhitinn reiknaður út?

Arsæll Hardarson (IP-tala skráð) 17.6.2022 kl. 10:32

Bæta við athugasemd

Ekki er lengur hægt að skrifa athugasemdir við færsluna, þar sem tímamörk á athugasemdir eru liðin.

Um bloggið

Hungurdiskar

Höfundur

Trausti Jónsson
Trausti Jónsson
Höfundur er veðurfræðingur og áhugamaður um veður.

Færsluflokkar

Apríl 2024
S M Þ M F F L
  1 2 3 4 5 6
7 8 9 10 11 12 13
14 15 16 17 18 19 20
21 22 23 24 25 26 27
28 29 30        

Nýjustu myndir

  • Slide10
  • Slide8
  • Slide6
  • Slide5
  • Slide4

Heimsóknir

Flettingar

  • Í dag (22.4.): 219
  • Sl. sólarhring: 462
  • Sl. viku: 1983
  • Frá upphafi: 2349496

Annað

  • Innlit í dag: 204
  • Innlit sl. viku: 1796
  • Gestir í dag: 202
  • IP-tölur í dag: 199

Uppfært á 3 mín. fresti.
Skýringar

Eldri færslur

Innskráning

Ath. Vinsamlegast kveikið á Javascript til að hefja innskráningu.

Hafðu samband