Tuttugu maídagar

Tuttugu dagar liðnir af maí - blessunarlega tíðindalitlir í veðri - slatti þó af fallegum sólarlögum (og nú er maður farinn að sjá upprásina líka). Mikið mistur og rykfall gekk yfir suðvesturhornið - sennilega mest innlend framleiðsla - en svo hittist reyndar á að erlendar greiningar sáu eitthvað fleira á ferð. - En meðalhiti dagana 20 er 6,0 stig í Reykjavík, nákvæmlega í meðallagi 1991 til 2020 og -0,1 stigi neðan við meðalhita sömu daga síðustu tíu árin. Hitinn raðast í 10.sæti (af 20) á öldinni. Hlýjastir voru dagarnir 20 árið 2008, meðalhiti þá 8,1 stig, en kaldastir voru þeir 2015, meðalhiti 3,7 stig. Á langa listanum er meðalhitinn nú í 62.sæti (af 144). Hlýjastir voru dagarnir 20 árið 1960, meðalhiti 9,3 stig, en kaldastir 1979, +0,5 stig.

Meðalhiti á Akureyri er nú 4,8 stig, -0,6 stigum neðan meðallags 1991 til 2020, en -0,7 stigum neðan meðallags síðustu tíu ára.

Við Faxaflóa, Breiðafjörð og á Suðurlandi raðast hitinn nú í 10.sæti á öldinni, en öllu kaldara hefur verið austanlands, hitinn raðast í 17.sæti á Austurlandi að Glettingi og á Austfjörðum. Hiti er rétt ofan meðallags síðustu tíu ára á fáeinum stöðvum suðvestanlands, mest +0,2 stig í Grindavík og við Reykjanesbraut, en kaldast að tiltölu hefur verið á Gagnheiði, hiti þar -2,2 stig neðan meðallags síðustu tíu ára.

Úrkoma er neðan meðallags. hefur mælst 14,6 mm í Reykjavík og er það tæplega helmingur meðallags. Á Akureyri hefur úrkoman mælst 4,5 mm, rúmur fjórðungur meðalúrkomu. Úrkoma hefur þó oft mælst minni sömu daga.

Sólskinsstundir hafa mælst 155,9 í Reykjavík, um 20 stundum umfram meðallag 1991 til 2020. Á Akureyri hafa mælst um 107 stundir.

 

Svo virðist sem hvorki stórhlýindi né teljandi áföll séu í kortunum á næstunni. 


« Síðasta færsla | Næsta færsla »

Athugasemdir

1 Smámynd: Sindri Karl Sigurðsson

Heill og sæll síðuhöfundur.

Ég og tengdafaðir minn voru að ræða núverandi vetur og þurfum að fara langt aftur. Langt er mjög afstætt en hann vildi meina að árin í kring um 1970 væru sambærileg en þó ekki, hann gat ekki sett beinan fingur á mismuninn en benti á veturnar á undan og í kring gætu verið viðmið. Lengi getur vont vanist en hann er fæddur fyrir stríð og nokkuð veðurminnugur. Miðað við myndir þessa dagana af ruðningum þá vantar Breiðadalsheiðina í samhengi því henni var ávalt gerð skil í blöðunum í þá daga. Kannski eru til myndir sem sýna snjóstálin á ýmsum heiðum á sama tíma eftir árum? Það væri fróðlegt að sjá þær myndir í samhengi áranna.

Sindri Karl Sigurðsson, 22.5.2020 kl. 00:08

2 Smámynd: Trausti Jónsson

Síðastliðin vetur var ekki sérlega kaldur þó illviðrasamur væri - mun hlýrri en algengast var á kuldaskeiðinu 1965 til 1995. Ég hef ekki aðgang að myndum af snjóstálinu á Breiðadalsheiði - en horfi menn á slíkar myndir verður að hafa í huga að rutt var á nokkuð misjöfnum tíma - tækin urðu smám saman afkastameiri. Illviðravetur hafa verið sjaldséðari á þessri öld en var fyrir aldamótin, ætli sá nýliðni teljist ekki sá illviðrasamasti ásamt vetrinum 2014 til 2015 - en ég held að norðaustanáttir hafi verið ívið algengari nú en þá og snjór því trúlega ívið meiri norðantil á Vestfjörðum og jafnvel á landinu austanverðu líka. En gríðarlega snjóþungt og illviðrasamt var veturinn 1994 til 1995 og reyndar flesta vetur þar á undan - alveg frá hausti 1988. Mjög snjóþungt var líka upp úr 1980 - alveg til 1983 til 1984 - og svo framan af og um miðjan áttunda áratuginn. 

Trausti Jónsson, 24.5.2020 kl. 01:12

Bæta við athugasemd

Ekki er lengur hægt að skrifa athugasemdir við færsluna, þar sem tímamörk á athugasemdir eru liðin.

Um bloggið

Hungurdiskar

Höfundur

Trausti Jónsson
Trausti Jónsson
Höfundur er veðurfræðingur og áhugamaður um veður.

Færsluflokkar

Ágúst 2020
S M Þ M F F L
            1
2 3 4 5 6 7 8
9 10 11 12 13 14 15
16 17 18 19 20 21 22
23 24 25 26 27 28 29
30 31          

Nýjustu myndir

  • w-blogg090820aa
  • ar_1871p
  • ar_1871t
  • ar_1870p
  • ar_1870t

Heimsóknir

Flettingar

  • Í dag (10.8.): 378
  • Sl. sólarhring: 434
  • Sl. viku: 1752
  • Frá upphafi: 1952253

Annað

  • Innlit í dag: 334
  • Innlit sl. viku: 1505
  • Gestir í dag: 318
  • IP-tölur í dag: 310

Uppfært á 3 mín. fresti.
Skýringar

Eldri færslur

Innskráning

Ath. Vinsamlegast kveikið á Javascript til að hefja innskráningu.

Hafðu samband