Hugur reikar - í blíðunni

Í blíðunni í dag (fimmtudag 28.febrúar) leitar hugurinn - eins og venjulega á þessum árstíma - aftur til vetrarins 1963 til 1964 og þeirrar sérlega góðu tíðar sem þá ríkti. Við skulum til gamans horfa á eitt háloftakort frá þessum tíma - staðan afskaplega svipuð stöðunni í dag (kort sem sýnir hana birtist í síðasta pistli hér á undan).

w-blogg280219a

Þetta er seint á föstudagskvöldi, 21.febrúar (kl.23 að þágildandi tíma hér á landi). Hæðarhryggur er í háloftunum yfir landinu studdur af hlýju lofti sem berst úr suðaustri - nærri því alveg eins og nú. Kuldapollar eru að bylta sér langt fyrir norðan og vestan - rétt eins og nú. Fyrstu dagar febrúar 1964 höfðu verið mjög kaldir (líka nú) - einu verulega köldu dagar þess vetrar og mikill snjór var þá víða um land. En hann tók undrafljótt upp.

Kuldapollurinn Stóri-Boli var oft mjög öflugur þennan vetur og virtist stundum mjög ógnandi - en einhvern veginn varð aldrei neitt úr því að hann skyti örmum sínum til landsins. Í apríl og maí komu hins vegar kuldaköst, hálfleiðinleg að vísu en algjörir smámunir miðað við þau sem gengu yfir vorið áður - 1963. 

En ritstjóri hungurdiska trúir ekki á hliðstæðuspár - veðrið finnur sér ætíð nýjan og frumlegan farveg. Ólíklegt verður því að telja að framhaldið verði að þessu sinni svipað og var 1964 - þegar vetrarblíðan var endalaus.


« Síðasta færsla | Næsta færsla »

Athugasemdir

1 Smámynd: Valdimar Samúelsson

Flott mál en annað hjá félaga í Minnesota annar blautur stormur vestan frá Californíu sem mun skilja eitt fet af snjá eftir Í Minnesota. Hann verður að byrgja sig upp áður en reiknar með minnst viku fastur heimavið.

Hér er blíða eins og þú segir sjálfur frá. Getur þú Trausti sagt mér hver árs meðalhiti norðan N55° og eða bent mér á gögn um það.

Kveðja. Valdimar.  

Valdimar Samúelsson, 28.2.2019 kl. 16:33

2 Smámynd: Trausti Jónsson

Valdimar - ég átta mig ekki á því hvað þú átt við með meðalhita norðan 55 gráða - gætir þú skýrt það betur?

Trausti Jónsson, 28.2.2019 kl. 17:42

3 Smámynd: Valdimar Samúelsson

Trausti þetta er kanski langsótt en grundvallast á þegar allir talað er um meðalhita hækkun jarðar um sem dæmi 0.5°C Er æægt að heimfæra þetta á 1/3 af heiminum.   

Valdimar Samúelsson, 28.2.2019 kl. 19:22

4 Smámynd: Gunnar Rögnvaldsson

Kæra þakkir fyrir þetta Trausti.

Já það var einmitt veturinn 62/63 að ég lét freistast til að sleikja gaddakeðjuna undir Scaníu pappa í kuldanum á Siglufirði. Þær glitruðu svo flott. Og að liggja í snjónum og horfa á norðurljósin dansa var einnig ógleymanlegt. Sleikurinn við gaddakeðjuna endaði hins vegar ekki vel og skilnaðurinn varð, tja, ógleymanlegur líka. Og ég man eftir því að veðrið á gamlárskvöld 1963 var gott við brennuna, því ég fór að gráta þegar ártalið undir Gimbraklettum skipti yfir í 1964, því ég var orðinn nógu gamall og íhaldssamur til að skilja að það myndi aldrei koma aftur. Það fuðraði bara upp í reyk og ösku yfir allan himinn, sýndist mér, og varð skelkaður yfir því hvað tíminn var brothættur, að hægt væri að brenna árið burt.

Þakka þér innilega fyrir að gefa okkur innsýn í verðursagnfræðirannsóknir þínar. Ég fann árið 1920 hjá þér en það ár dó ungur föðurafi minn í Miðfirði sem ég sá aldrei. Mig langaði að vita hvernig veðrið var þá, skömmu fyrir jól. Og það fann ég hjá þér.

Kveðja

Gunnar Rögnvaldsson, 1.3.2019 kl. 00:39

5 Smámynd: Trausti Jónsson

Þakka þér fyrir vinsamleg orð í minn garð Gunnar. Valdimar - hlýnun norðan við 55 gráður er almennt svipuð og annars saðar - en heldur meiri þar sem áhrifa ís- og snjórýrnunar gætir. Þau aukaáhrif eru mismikil frá einum stað til annars á norðurslóðum - töluverð t.d. hér á landi.

Trausti Jónsson, 1.3.2019 kl. 14:42

6 Smámynd: Valdimar Samúelsson

Þakka Trausti og fyrir allar upplýsingarnar sem þú hefir veitt í fjölda ára. Þú mátt skila kveðju til vin og fálaga Kela Þ.Þ ef þú sérð hann. Hann líka er mikill spámaður á ýmsum sviðum. 

Valdimar Samúelsson, 2.3.2019 kl. 21:17

7 Smámynd: Trausti Jónsson

Þakka sömuleiðis Valdimar.

Trausti Jónsson, 3.3.2019 kl. 02:11

Bæta við athugasemd

Ekki er lengur hægt að skrifa athugasemdir við færsluna, þar sem tímamörk á athugasemdir eru liðin.

Um bloggið

Hungurdiskar

Höfundur

Trausti Jónsson
Trausti Jónsson
Höfundur er veðurfræðingur og áhugamaður um veður.

Færsluflokkar

Apríl 2024
S M Þ M F F L
  1 2 3 4 5 6
7 8 9 10 11 12 13
14 15 16 17 18 19 20
21 22 23 24 25 26 27
28 29 30        

Nýjustu myndir

  • w-blogg230424
  • Slide10
  • Slide8
  • Slide6
  • Slide5

Heimsóknir

Flettingar

  • Í dag (24.4.): 234
  • Sl. sólarhring: 393
  • Sl. viku: 1550
  • Frá upphafi: 2350019

Annað

  • Innlit í dag: 207
  • Innlit sl. viku: 1410
  • Gestir í dag: 204
  • IP-tölur í dag: 199

Uppfært á 3 mín. fresti.
Skýringar

Eldri færslur

Innskráning

Ath. Vinsamlegast kveikið á Javascript til að hefja innskráningu.

Hafðu samband