Afmæli hungurdiska

Nú á blogg hungurdiska 8 ára afmæli. Fyrsta færsla gerð 19.ágúst 2010. - Sú var ekki löng en síðan hafa 2261 bæst við - textinn líklega rúmlega 4 þúsund prentaðar blaðsíður - sumt fullkomin froða auðvitað en feitir bitar innan um. Enn er haldið áfram - biðlisti viðfangsefna óralangur og lengist fremur en styttist - lítil von til þess að ritstjórinn hafi nokkru sinni undan þeim ósköpum öllum. - En hann þakkar alla vega þrautseigum lesendum gömlum og nýjum.

Veðurkort 19.ágúst 2010. Mikil hæð yfir Grænlandi, en lægðir við Bretland - ekki mjög algeng staða upp á síðkastið. 

Athugasemdir

[Sindri Karl Sigurðsson, 19.8.2018 kl. 02:07]

Og til hamingju með það. Þú hefur auðgað veðurvit okkar hinna og hleypt þeim sömu inn í heim ykkar sem lifa og hrærast í að gera sitt besta til að skilja veður og vind. Það er ekki allra að gefa af sér og þú átt heiður skilið að koma þessum hlutum á mannamál og ýta undir veðurvitundina, hvort heldur í lærðra eða leikna. Ef ég væri með hatt myndi ég taka hann ofan.

[Helga Kristjánsdóttir, 19.8.2018 kl. 02:47]

Hamingjuóskir um leið og þakklæti fyrir góða frásögn og skíringar á þessu flókna fyrirbæri(í mínum huga) náttúrunnar. 

[Ragnhildur Kolka, 19.8.2018 kl. 09:08]

Hamingjuóskir með úthaldið. Ég segi eins og Helga - það er virðingarvert að aðstoða okkur við að skilja þetta fyrirbæri - veðrið. 

[Sigurður Bjarklind (IP-tala skráð) 20.8.2018 kl. 07:47]

Til hamingju og kærar þakkir fyrir fróðleik og málsnilld.