Varð nokkuð óvenjulegt

Lægðin snarpa sem fór yfir landið í nótt og morgun (25.júní) skilaði af sér nokkrum mánaðarmetum á einstökum stöðvum - bæði vindhraða og loftþrýstings. Við horfum aðeins á stöðvar sem mælt hafa vind í 10 ár eða meir (upphaf mælinga í sviga): Ingólfshöfði (2004), Gagnheiði (1993), Möðrudalur (2003), Kárahnjúkar (1998), Eyjabakkar (1997), Flatey á Skjálfanda (2005), Hallormsstaðaháls (1996), Grímsey (2005), Raufarhöfn (2005), Rauðinúpur (1997), Fontur (1994), Brú á Jökuldal (1998), Fjarðarheiði (1995), Oddsskarð (1995), Kvísker (2002), Möðrudalsöræfi (2000), Hálsar (1995) og Breiðdalsheiði (1997).

Júnílágþrýstimet voru sett á Húsavík, í Grímsey, á Raufarhöfn, Rauðanúp og á Fonti. Sömuleiðis á mönnuðu stöðinni á Skjaldþingsstöðum (1994).

Enn er kalt um landið suðvestan- og vestanvert. Sé notuð þriðjungaskipting til að greina á milli kaldra og hlýrra mánaða (og þeirra sem teljast í meðallagi), spásvæði Veðurstofunnar - og viðmiðið öldin það sem af er, telst mánuðurinn hingað til kaldur á Suðurlandi (15 af 18), við Faxaflóa (15 af 18) og Breiðafjörð (15 af 18). Hitinn er í meðallagi á Vestfjörðum (12 af 18) og á Ströndum og Norðurlandi vestra (9 af 18), en hlýr á Norðurlandi eystra (6 af 18), Austurlandi (6 af 18), Miðhálendinu (6 af 18), Suðausturlandi (5 af 18) og Austfjörðum (4 af 18).

Viðbót: 

Svo virðast hafa verið sett fáein stöðvarsólarhringsúrkomumet fyrir júní. Það er á Augastöðum í Hálsasveit, Kvennabrekku í Dölum, Ásbjarnarstöðum á Vatnsnesi og Brúsastöðum í Vatnsdal. 


« Síðasta færsla | Næsta færsla »

Athugasemdir

1 identicon

Sæll Trausti og bestu þakkir fyrir fróðlega og skemmtilega pistla.

Mig langaði að nefna hæðarsvæðið yfir Bretlandseyjum. Það virðist ætla að verða langlíft. Raunar finnst mér þetta orðin frekar kunnugleg staða hvort sem er að vetri eða sumri jafnvel nokkur síðastliðin ár, Bretlandshæð og lægðabrautin þar með um Grænlandssund eða yfir Ísland.

Nú hef ég ekkert fyrir mér í þessu annað en tilfinningu, enga statistik eða þess háttar. Ég tek þó eftir að ársúrkoma í Reykjavík hefur ekki verið undir 900 mm síðustu ár.

Hannes Pétursson

Kópavogi

Hannes Pétursson (IP-tala skráð) 26.6.2018 kl. 06:58

2 identicon

Takk fyrir frábæra pistla,

Er til einhver tölfræði um fjölda samfellda "blauta" daga eða "þurra" daga ?  Mér finnst einhvernveginn að við höfum ekki haft einn einasta þurran dag síðan sumardaginn fyrsta.  Kannski hefur veðrið bara þessi áhrif á mig :).

Gaman væri hinsvegar að sjá statistik hvað þetta varðar.

mbkv Geir

Geir Thorsteinsson (IP-tala skráð) 26.6.2018 kl. 14:07

3 Smámynd: Geir Thorsteinsson

Góðan daginn og takk fyrir fróðlega og skemmtilega pistla,

Mér datt í hug hvort til væri tölfræði um samfellda þurra eða blauta daga?  Finns eins og það hafi ekki komið einn einasti þurr dagur síðan sumardaginn fyrsta ? :) Kannski bara veðrið sem fer svona með heilasellurnar ?

Gaman væri að heyra frá þér eitthvað sem þessu tengdist.

mbkv Geir

Geir Thorsteinsson, 26.6.2018 kl. 14:12

4 Smámynd: Trausti Jónsson

Geir, úrkomudagar hafa verið óvenjumargir hér suðvestanlands, aldrei fleiri í maí heldur en nú og vel hugsanlegt að úrkomudagafjöldi í júní verði einnig metmargir - það kemur í ljós við uppgjör eftir helgina.

Trausti Jónsson, 27.6.2018 kl. 13:07

Bæta við athugasemd

Ekki er lengur hægt að skrifa athugasemdir við færsluna, þar sem tímamörk á athugasemdir eru liðin.

Um bloggið

Hungurdiskar

Höfundur

Trausti Jónsson
Trausti Jónsson
Höfundur er veðurfræðingur og áhugamaður um veður.

Færsluflokkar

Apríl 2024
S M Þ M F F L
  1 2 3 4 5 6
7 8 9 10 11 12 13
14 15 16 17 18 19 20
21 22 23 24 25 26 27
28 29 30        

Nýjustu myndir

  • Slide10
  • Slide8
  • Slide6
  • Slide5
  • Slide4

Heimsóknir

Flettingar

  • Í dag (22.4.): 212
  • Sl. sólarhring: 456
  • Sl. viku: 1976
  • Frá upphafi: 2349489

Annað

  • Innlit í dag: 197
  • Innlit sl. viku: 1789
  • Gestir í dag: 195
  • IP-tölur í dag: 192

Uppfært á 3 mín. fresti.
Skýringar

Eldri færslur

Innskráning

Ath. Vinsamlegast kveikið á Javascript til að hefja innskráningu.

Hafðu samband