Mikil hlýindi (austurundan)

Hingað til hefur hiti í mars verið ekki svo fjarri meðallagi lengst af. Nú virðast heldur meiri hlýindi framundan. - Sýnd veiði en ekki gefin auðvitað því spár eru bara spár. 

w-blogg250317a

Kortið ætti að vera kunnuglegt fastagestum hungurdiska. Það gildir síðdegis á sunnudag (26. mars) og sýnir hæð 500 hPa-flatarins á norðurhveli jarðar (heildregnar línur) og þykktina (litir). Þykktin sýnir hita í neðri hluta veðrahvolfs. Gulu og brúnu litina teljum við helst til sumarhita og nær hann á sunnudaginn langt norður fyrir venjulega stöðu fyrir austan land. Jafnvel hægt að tala um hitabylgju yfir Noregi og Danmörku. 

Fjöll í Noregi gætu dregið eitthvað af hlýindunum niður til byggða, en líklegra er að þau svífi yfir hinni flötu Danmörku. Danska veðurstofan er þó að tala um 10 til 13 stiga hita þar um slóðir. 

Þó mestu hlýindin séu hér fyrir austan okkur má vera að tveggjastafatölur verði á mælum nyrðra og eystra - en trauðlega efni í hitamet. 

Svo er gert ráð fyrir að hlýindi ríki áfram í háloftum á þessum slóðum - og jafnvel hér á landi líka. 

w-blogg250317b

Hér má sjá tíudagaspá evrópureiknimiðstöðvarinnar. Jafnhæðarlínur eru heildregnar. Af þeim má ráða að áttin verður suðvestlæg - með hæðarsveigju (hlýindalegt). Jafnþykktarlínur eru hér strikaðar (sjást betur sé myndin stækkuð). Þær eru nokkuð þéttar (eins og jafnhæðarlínurnar) - það þýðir að kalt loft liggur líklega inn undir það hlýja - við slíkar aðstæður ofmetur þykktin hitann við jörð. 

Litirnir sýna þykktarvikin - miðað við tímabilið 1981 til 2010. Bleikrauði liturinn sýnir svæði þar sem þykktarvikið er meira en 100 metrar. Þar er hiti meira en 5 stigum ofan meðallags í neðri hluta veðrahvolfs. - Kannski náum við 2 til 3 stiga viki niðri í mannheimum? - Það er býsna mikið í tíu daga. 

En það verður stutt í kalda loftið norðurundan og sjálfsagt mun það sleikja landið suma dagana. 


« Síðasta færsla | Næsta færsla »

Athugasemdir

1 identicon

Norska veðurstofan (YR) spáir nú aðeins hita þessa helgina og svo kólnandi strax á mánudag - og frekar köldu veðri út vikuna. Hitinn fari mest í 7 stig í borginni en verði yfirleitt á bilinu 2-4 stig. Það telst varla til mikilla hlýinda.

Hins vegar er verið að spá hægviðri flesta dagana sem ætti að vera fagnaðarefni eftir stormana undanfarið.

Torfi Stefánsson (IP-tala skráð) 25.3.2017 kl. 09:09

2 Smámynd: Trausti Jónsson

Meðalhiti í mars í Reykjavík er um 1 stig og sé sólarhringsmeðalhiti 4 stig er hann 3 stig yfir meðallagi - það telst hlýtt - . En eins og segir í pislinum eru hlýindin mest austurundan - og kalda loftið aldrei langt undan.

Trausti Jónsson, 25.3.2017 kl. 11:34

3 identicon

Hjá Veðurstofunni er einnig spáð svölu veðri í vikunni - um allt land! Hlýindin austurundan ná þannig ekki til landsins.

Torfi Stefánsson (IP-tala skráð) 26.3.2017 kl. 06:32

Bæta við athugasemd

Ekki er lengur hægt að skrifa athugasemdir við færsluna, þar sem tímamörk á athugasemdir eru liðin.

Um bloggið

Hungurdiskar

Höfundur

Trausti Jónsson
Trausti Jónsson
Höfundur er veðurfræðingur og áhugamaður um veður.

Færsluflokkar

Mars 2024
S M Þ M F F L
          1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31            

Nýjustu myndir

  • w-blogg200324b
  • w-blogg200324a
  • Slide10
  • Slide9
  • Slide8

Heimsóknir

Flettingar

  • Í dag (29.3.): 9
  • Sl. sólarhring: 60
  • Sl. viku: 407
  • Frá upphafi: 2343320

Annað

  • Innlit í dag: 8
  • Innlit sl. viku: 368
  • Gestir í dag: 7
  • IP-tölur í dag: 7

Uppfært á 3 mín. fresti.
Skýringar

Eldri færslur

Innskráning

Ath. Vinsamlegast kveikið á Javascript til að hefja innskráningu.

Hafðu samband