Íslenska sumrinu lokið

Í dag er fyrsti vetrardagur að fornu tímatali og sumarmisseri ársins 2016 þar með lokið. Ritstjóri hungurdiska þakkar vinsemd á liðnu sumri og óskar lesendum gæfuríks vetrar. Sumarið var hlýtt - á landsvísu í 2. til 3. hlýjasta sæti á nýju öldinni - sjónarmun hlýrra var 2010. Sama á við um Reykjavík.

Rauða línan sýnir landsmeðaltalið (í byggð) frá aldamótum - gráu súlurnar meðalhita í Reykjavík frá sumardeginum fyrsta ár hvert - til og með föstudags veturnátta - allt aftur til 1920. 

Sé rýnt í myndina kemur í ljós að sumarhiti í Reykjavík hefur ekki oft orðið hærri en nú - reyndar aðeins þrisvar, 2010, 1941 og 1939. Í fimmta til sjöunda sæti eru svo sumarið 2004, 2003 og 1960.

Athugasemdir

[Þorsteinn Briem, 23.10.2016 kl. 00:14]

Takk, sömuleiðis!

[Helga Kristjánsdóttir, 23.10.2016 kl. 04:06]

Sömuleiðis með 100% hPa þökkum fyrir bráðskemmtilegt og upplýsandi efni.