Hæðarhryggur - og svo?

Þegar lægðir fara hratt til austurs langt fyrir sunnan land beina þær stundum til okkar lofti að sunnan - en langt uppi í efri hluta veðrahvolfsins. Þetta þykir oftast hagstætt um landið vestanvert - og er reyndar meinlítið í flestum landshlutum.  

Kortið hér að neðan sýnir hæð 300 hPa-flatarins og vind í honum síðdegis á föstudag (12.febrúar).

w-blogg110216a

Röstin ólmast langt suður í hafi - en vestur af Íslandi er háloftahæð. Hún er öflugri þarna uppi heldur en niður undir jörð - lifir nærri aðskildu lífi - en þvælist fyrir flestum stórum veðurkerfum sem að okkur vilja sækja. Undir hæðinni eiga sér stað smáskærur milli þess lofts af norðlægum og suðaustlægum uppruna - og milli land- og sjávarlofts. Hitasveiflur geta verið drjúgar - og stöku úrkomubakki setur hóflega óvissu í tilveruna. 

En - á norðurslóðum vesturheims er kuldapollurinn mikli, Stóri-Boli, að byltast og virðist ætla að taka mikla dýfu suður um Nýja-England um helgina eins og spákortið hér að neðan sýnir. - Lítur satt best að segja ógnandi út fyrir þarlenda (en á ekki að standa lengi). Kortið sýnir N-Ameríku - rétt sést í Ísland alveg efst á því. 

w-blogg110216c

Við þennan leik kemur mikill órói á röstina og gera spár ráð fyrir því að hún skjóti skyndilega upp kryppu í átt til Íslands sem á að hreinsa hæðarhrygginn hagstæða út af borðinu á mánudag. - Fari svo blasa einhverjir (leiðinlega) órólegir dagar við - ætli hlákan bæti ekki bara á klakann þegar upp verður staðið? 


« Síðasta færsla | Næsta færsla »

Athugasemdir

1 Smámynd: Ágúst H Bjarnason

Það getur verið áhugavert að fylgjast með Jetstream Forecast hér: http://www.netweather.tv/index.cgi?action=jetstream;sess= og smella á [Animation].

Þar sjást myndrænt breytingar í röstinni eftir helgina.

Ágúst H Bjarnason, 11.2.2016 kl. 07:12

2 identicon

Ég sé ekki fram á annað en að þessi fj..... klaki sem er búinn að drotna hér yfir öllu síðan í lok nóv, fari ekki fyrr en einhvern tímanna í sumar. 
Það þarf amk. að að verða all hressilega hlýindi til að bræða þennan klaka sem er harður eins og demantur og þykkur sem ísaldarjökulhetta.
En svoleiðis hlýindi er bara alls ekki á kortunum næstu vikurnar, þvert á móti á enn að bæta í snjókomuna sem þýðir bara enn meiri klaka.

Þetta hlýtur að vera met hversu lengi jörð hefur verið hér alhvít lengi.

Frosti Funason (IP-tala skráð) 11.2.2016 kl. 08:54

Bæta við athugasemd

Ekki er lengur hægt að skrifa athugasemdir við færsluna, þar sem tímamörk á athugasemdir eru liðin.

Um bloggið

Hungurdiskar

Höfundur

Trausti Jónsson
Trausti Jónsson
Höfundur er veðurfræðingur og áhugamaður um veður.

Færsluflokkar

Apríl 2024
S M Þ M F F L
  1 2 3 4 5 6
7 8 9 10 11 12 13
14 15 16 17 18 19 20
21 22 23 24 25 26 27
28 29 30        

Nýjustu myndir

  • w-blogg120424c
  • w-blogg120424b
  • w-blogg120424a
  • w-blogg110424b
  • w-blogg110424b

Heimsóknir

Flettingar

  • Í dag (16.4.): 223
  • Sl. sólarhring: 254
  • Sl. viku: 2002
  • Frá upphafi: 2347736

Annað

  • Innlit í dag: 196
  • Innlit sl. viku: 1728
  • Gestir í dag: 189
  • IP-tölur í dag: 182

Uppfært á 3 mín. fresti.
Skýringar

Eldri færslur

Innskráning

Ath. Vinsamlegast kveikið á Javascript til að hefja innskráningu.

Hafðu samband