Heldur hlýrra - en blautara(?)

Nú er útlit fyrir ívið hlýrri tíð en verið hefur - en samt er ekki hægt að tala um eindregna hlýindaspá. Kortið hér að neðan sýnir meðalhæð 500 hPa-flatarins og vik hennar frá meðallagi næstu tíu daga - að mati evrópureiknimiðstöðvarinnar. 

w-blogg180815a

Spáin gerir ráð fyrir eindreginni suðaustanátt í háloftum yfir landinu. Sú átt er að jafnaði hlý, en að þessu sinni er allt í eindreginni lægðasveigju. - Háloftalægðin er í grunninn af norðlægum uppruna - suðaustanloftið áður komið úr vestri og norðvestri sunnan Grænlands. - En ekki er þó langt í mun hlýrra loft - sem Skandinavíubúar hafa baðað sig í undanfarna daga - og gera víst áfram - sé að marka þessa spá.

En þetta er meðalkort sem gildir í tíu daga og e.t.v. er rými fyrir einhver hlýindaskot úr austri einhvern daginn? Þeirra nyti þá helst suðvestanlands - og kannski inn til landsins á Norðurlandi líka?

En satt best að segja er þetta mjög bleytuleg spá - sérstaklega um landið austanvert. Sýndarúrkoma líkansins reiknast á þessum tíu dögum fimmfalt meðaltal á Austur- og Suðausturlandi - og meira að segja á hún að vera vel ofan meðallags á landinu vestanverðu líka - en spár um úrkomumagn eru enn lausari í rásinni heldur en spár um vinda og hita. 


« Síðasta færsla | Næsta færsla »

Athugasemdir

1 identicon

Það er sagt að það búi tvær þjóðir í þessu landi, sú ríka og hún sem berst í bökkum (eða bönkum). Eins má segja um veðurfarið. Það skiptir landinu í tvennt (og þjóðinni), í suður og vestur annars vegar og norður og austur hinsvegar.

Þegar þú talar um að hlýrri tíð sé í vændum áttu eflaust við fyrir íbúa norður- og austurlands en ekki hér sunnan og vestan. Enda hefur verið að kólna hjá 2/3 hluta þjóðarinnar undanfarið en ekki hlýna (sbr. það sem þú segir sjálfur að Reykjavíkurhiti mánaðarins sígi niður á við í meðaltalinu eftir því sem lengra líður á mánuðinn). Aðfararnótt mánudagsins var t.d. kaldast í byggð á landinu í Reykjavík - eftir að hitinn hafi verið ágætur í júlí og það sem af er ágúst.

Eða eins og margoft hefur verið sagt. Rok og rigning (hér syðra) heita hlýindi í máli veðurfræðinga!

Torfi Stefánsson (IP-tala skráð) 18.8.2015 kl. 07:31

Bæta við athugasemd

Ekki er lengur hægt að skrifa athugasemdir við færsluna, þar sem tímamörk á athugasemdir eru liðin.

Um bloggið

Hungurdiskar

Höfundur

Trausti Jónsson
Trausti Jónsson
Höfundur er veðurfræðingur og áhugamaður um veður.

Færsluflokkar

Nóv. 2019
S M Þ M F F L
          1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30

Nýjustu myndir

  • w-blogg111119c
  • w-blogg111119b
  • w-blogg111119a
  • w-blogg04119a
  • w-blogg031119a

Heimsóknir

Flettingar

  • Í dag (13.11.): 132
  • Sl. sólarhring: 178
  • Sl. viku: 1551
  • Frá upphafi: 1850156

Annað

  • Innlit í dag: 115
  • Innlit sl. viku: 1337
  • Gestir í dag: 101
  • IP-tölur í dag: 93

Uppfært á 3 mín. fresti.
Skýringar

Innskráning

Ath. Vinsamlegast kveikið á Javascript til að hefja innskráningu.

Hafðu samband