Afmæli

Einu sinni á ári á hungurdiskabloggið afmæli - í þetta sinn er það fjögurra ára. Byrjaði upp úr þurru 19. ágúst 2010, er orðið eldra en væntingar stóðu til og lafir eitthvað áfram. Í tilefni dagsins gætu lesendur litið á færslur ágústmánaðar 2010 - þá var aðallega fjallað um nokkur gömul rit um veðurfræði á íslensku. Fæstir munu hafa lesið þessa pistla. 

Til þessa munu pistlarnir vera orðnir 1280 - það þýðir að 161 vantar upp á að pistlast hafi verið einu sinni á dag að jafnaði (87,6% daga). Þetta er örlítið skárra dagahlutfall en hjá „dagblöðunum“. 

Fyrr í sumar fór af stað afleggjari á fjasbók - þar má oft sjá tölur dagsins - en auðvitað er óvíst hversu lengi afleggjari sá lifir - rétt eins og aðalstofninn. Hópurinn er opinn og geta meðlimir sett inn færslur tengdar veðri eða þá skýja- eða himinmyndir á eigin spýtur. Þar má einnig bera fram spurningar tengdar veðri - en viðamikilla svara er samt ekki að vænta. 

https://www.facebook.com/groups/hungurdiskar/

Athugasemdir

[Helga Kristjánsdóttir, 19.8.2014 kl. 11:41]

Til lukku með þessa fróðlegu/skemmtilegu afurð.

[Valur Norðdahl (IP-tala skráð) 19.8.2014 kl. 20:36]

Kærar þakkir fyrir góða pistla Trausti, efnið er afar upplýsandi og fróðlegt og sjaldan er veðrið verulega leiðinlegt eða of óáhugavert.