Góuþing veðurfræðifélagsins

Góuþing veðurfræðifélagsins verður haldið í matsal Veðurstofunnar, Bústaðavegi 7 í dag, fimmtudaginn 27. febrúar og hefst kl. 14. Flutt verða 5 stutt erindi (tengillinn afhjúpar þau). Þar á meðal er erindi ritstjórans sem rifjar mjög stuttlega upp Akureyrarveðrið svonefnda 5. mars 1969. Það mun vera versta veður sem frést hefur af þar á bæ, stóð ekki nema rúma klukkustund en olli gríðarmiklu tjóni og varð öllum sem í því lentu ógleymanlegt. Í kjölfarið fylgdu einir köldustu dagar sem komið hafa á landinu frá því í janúar 1918. Hafís var við mestallt Norðurland og suður með Austurlandi. Útbreiðsla Austur-Grænlandsíssins var þá meiri en 1 milljón ferkílómetrar - meir en tvöfalt það sem algengast hefur verið á síðari árum á sama tíma árs.

Athugasemdir

[Hilmar Hafsteinsson (IP-tala skráð) 27.2.2014 kl. 06:50]

Þakkir fyrir fundarboðið Trausti. Það er ekki nema rétt og skylt að íslenskir veðurfræðingar fari að huga að kólnandi veðurfari á Islandi.

[Pálmi Freyr Óskarsson, 27.2.2014 kl. 17:31]

Hilmar minn er markmiðið hjá þér að eyðileggja þetta skemmtilega veðurblogg hans Trausta?

[Sveinn Atli Gunnarsson, 28.2.2014 kl. 00:29]

Pálmi - já það tel ég. Ég skil bara ekkert í því að ekki skuli vera lokað fyrir athugasemdir Hilmars fyrir löngu á þessari síðu - sem er frekar auðvelt að gera.