Þriðja (misheppnaða?) kuldaásóknin úr vestri (í þessum mánuði)

Eins og fram kom á þessum vettvangi í fyrradag er lítið um kalt loft í námunda við landið - aðallega heimatilbúið. En á fimmtudaginn koma kuldaskil úr vestri - og virðast ætla að fara svipað að og þau tvenn síðustu - að slefast í vestanátt með snjókomu en síðan tekur austanáttin furðuhlýja við aftur.

Við skulum líta á óvenjulegt kort - það sýnir sjávarmálsþrýsting eins og evrópureiknimiðstöðin spáir honum um hádegi á miðvikudag. En á kortinu má líka sjá vind í 700 hPa-fletinum (við þykjumst varla sjá hann), þykktina (svartar strikalínur) og þykktarbreytingu næstliðnar sex klukkustundir á undan gildistíma spárinnar.

w-blogg280114a 

Bláa flykkið er þykktarbreyting - inni í kjarnanum (fjórða bláa lit) hefur þykktin fallið um 120 metra. Þar hefur kólnað um 6 stig á 6 tímum. Heildarkólnun er meiri því það tekur blámann meir en 6 klukkustundir að fara alveg yfir. Þarna eru býsna öflug kuldaskil á leið til austurs og norðausturs.

Þau eru líka á leið til suðausturs og til að komast til Íslands verður eitthvað af þeim að geta hreyfst til norðausturs. Gliðnunin (breikkun víglínunnar) þýðir að það linast á framsókninni og skilin rétt komast til Íslands áður en þau eyðast. Spáin nú segir að þau komi inn á Suðvesturland síðdegis á fimmtudag - en aðeins 12 stundum síðar verði næsta austanáttarlægð mætt á svæðið.

Nú (á mánudagskvöldi) lifa fjórir dagar af janúar og enn lifir líka vonin um fyrsta frostlausa janúarmánuðinn hér á landi. Sömu stöðvar og fyrr eru með í keppninni, Stórhöfði, Vattarnes og Seley (en þar er stendur núll komma núll enn sem lægsti hitinn). Vestmannaeyjabær er þegar dottinn út úr keppni bæði vegna kulda (-0,5 stig) og á tæknivillu (fáeinar lágmarksathuganir vantar). Þetta verður ansi tæpt.  

Mánaðarmeðalhitinn er enn í 8. sæti allra hlýjustu og á Akureyri í 10. sæti. Á topp tíu janúarlista Reykjavíkur eru nú þrjú árapör, 1946 og 1947, 1972 og 1973 og 2013 og 2014. Hvernig skyldi standa á því? (- Því er þannig varið að ritstjórinn veit ekki svarið).


« Síðasta færsla | Næsta færsla »

Athugasemdir

1 identicon

Mér sýnist að síðast hafi verið frost á Stórhöfða 27. desember og enn er frostlaust.

Óskar J. Sigurðsson (IP-tala skráð) 28.1.2014 kl. 09:45

2 Smámynd: Pálmi Freyr Óskarsson

Svo spurning hvað frostdagarnir séu margir, eða á maður segja frekar fáir þennan veturinn á Stórhöfða. Svo er líka spurning hvar dagurinn í dag 28. janúar 2014 lendi ofarlega á topplista í hægvirðisdegi í janúar á Stórhöfða. Núna kl.16 er allavega búið að vera ansi litill vindur síðan frá miðnætti.

Pálmi Freyr Óskarsson, 28.1.2014 kl. 16:08

3 Smámynd: Trausti Jónsson

Óskar. Þetta er orðið mjög óvenjulegt - ég athugaði málið og má lesa um bráðabirgðaniðurstöðu þess í bloggpistli þeim sem fylgir á eftir þeim að ofan. Pálmi - minntu mig á að telja frostdaga í vor.

Trausti Jónsson, 29.1.2014 kl. 00:43

4 identicon

Ekki veit ég hvernig frostdagar eru taldir á sjálfvirkum stöðvum. Í október var frostlaust á Stórhöfða, lægsti hiti 0,0 stig þ.29. og er það útaf fyrir sig óvenjulegt. Í nóv. voru frostdagar 7 og í des. voru þeir 19 ef rétt er talið, en t.d. 5 í des. 1963. Fyrsta frost vetrarins 12. nóvember.

.

Óskar J. Sigurðsson (IP-tala skráð) 29.1.2014 kl. 09:57

5 Smámynd: Pálmi Freyr Óskarsson

Allt í lagi Trausti, reyni að muna það í vor. Annars sýnist mér hjá föður mínum að desembermánaðarfrostdagar sé að skemma þetta.

E.s. Mikið væri ég til að fá meðaltalsformúluna hjá Veðurstofunni. Er einhversstaðar hægt að finna hana á netinu?

Pálmi Freyr Óskarsson, 29.1.2014 kl. 18:56

Bæta við athugasemd

Ekki er lengur hægt að skrifa athugasemdir við færsluna, þar sem tímamörk á athugasemdir eru liðin.

Um bloggið

Hungurdiskar

Höfundur

Trausti Jónsson
Trausti Jónsson
Höfundur er veðurfræðingur og áhugamaður um veður.

Færsluflokkar

Apríl 2024
S M Þ M F F L
  1 2 3 4 5 6
7 8 9 10 11 12 13
14 15 16 17 18 19 20
21 22 23 24 25 26 27
28 29 30        

Nýjustu myndir

  • w-blogg160424b
  • w-blogg160424a
  • w-blogg120424c
  • w-blogg120424b
  • w-blogg120424a

Heimsóknir

Flettingar

  • Í dag (17.4.): 444
  • Sl. sólarhring: 607
  • Sl. viku: 2537
  • Frá upphafi: 2348404

Annað

  • Innlit í dag: 396
  • Innlit sl. viku: 2229
  • Gestir í dag: 380
  • IP-tölur í dag: 362

Uppfært á 3 mín. fresti.
Skýringar

Eldri færslur

Innskráning

Ath. Vinsamlegast kveikið á Javascript til að hefja innskráningu.

Hafðu samband