Smávegis um lágmarkshitameting á árinu 2013

Nú er í lagi að fara að fylgjast með metingi um köldustu daga ársins. Það kom ritstjóranum satt best að segja á óvart að mánudagurinn 18. nóvember reyndist eiga lægsta lágmark ársins á 41 sjálfvirkri veðurstöð af 175 í pottinum. Þá var meðalhiti í byggðum -5,81 stig (svo reiknað sé með keppnisaukastöfum), en -7,20 ef hálendið er talið með.

Aðalkeppinauturinn, 5. mars, á lægsta árshita á 33 stöðvum - en byggðarmeðalhitinn var þó nokkuð lægri en nú á dögunum, -7,78 stig. Fimmti mars er þannig enn kaldasti dagur ársins. Þá fór hiti ekki upp fyrir frostmark á neinni stöð. Lægsta landsdagshámark (úff) í nóvember, hingað til, er 4,5 stig - mánudagurinn (18.) á það.

Janúar og febrúar í ár voru fádæma hlýir og árslágmarksveiði þeirra rýr, engin stöð í janúar og aðeins tvær í febrúar. Mars hangir enn á 75 stöðvarárslágmörkum en nóvember er þegar kominn upp í 61 stöð - og þriðjungur mánaðarins eftir. Mikið kuldakast í apríl nældi í 35 lágmörk og maí meira að segja tvö.

Algengt er að kaldasti dagur ársins sé í desember - við bíðum frekari tíðinda.

Allt með fyrirvara um mögulegar villur.


« Síðasta færsla | Næsta færsla »

Athugasemdir

1 identicon

Þakkir fyrir snemmtæka smávegis áherslu á lágmarkshita á Íslandi Trausti. Kuldinn er auðvitað meira vandamál hér sem annars staðar í heiminum:

Mesta snjókoma frá því að mælingar hófust í Kanada:

http://www.wltribune.com/news/232683941.html

Met snjókoma í Bandaríkjunum:

http://weather.bloginky.com/2013/11/12/another-record-snowfall-for-lexington/

Met snjókoma á norðurhveli jarðar síðustu 10 ár:

http://icecap.us/images/uploads/Screen_shot_2013-05-30_at_9.42.56_AM.png

Spá um sérstaklega harðan vetur á Bretlandi:

http://www.express.co.uk/news/uk/442873/Coldest-winter-in-modern-times-on-way-with-snow-forecast-for-Britain-starting-next-week

Hilmar Hafsteinsson (IP-tala skráð) 21.11.2013 kl. 20:30

2 Smámynd: Pálmi Freyr Óskarsson

Þú ert alltaf í sama heygarðshorni Hilmar minn. Enn það er líka hægt að finna hlýjast einhvað í smá tíma ef mundir nenna að sjá það.

Pálmi Freyr Óskarsson, 22.11.2013 kl. 22:23

Bæta við athugasemd

Ekki er lengur hægt að skrifa athugasemdir við færsluna, þar sem tímamörk á athugasemdir eru liðin.

Um bloggið

Hungurdiskar

Höfundur

Trausti Jónsson
Trausti Jónsson
Höfundur er veðurfræðingur og áhugamaður um veður.

Færsluflokkar

Ágúst 2020
S M Þ M F F L
            1
2 3 4 5 6 7 8
9 10 11 12 13 14 15
16 17 18 19 20 21 22
23 24 25 26 27 28 29
30 31          

Nýjustu myndir

  • ar_1871p
  • ar_1871t
  • ar_1870p
  • ar_1870t
  • w-blogg010820a

Heimsóknir

Flettingar

  • Í dag (4.8.): 43
  • Sl. sólarhring: 150
  • Sl. viku: 1767
  • Frá upphafi: 1950544

Annað

  • Innlit í dag: 39
  • Innlit sl. viku: 1538
  • Gestir í dag: 38
  • IP-tölur í dag: 38

Uppfært á 3 mín. fresti.
Skýringar

Eldri færslur

Innskráning

Ath. Vinsamlegast kveikið á Javascript til að hefja innskráningu.

Hafðu samband