Myndarleg lægð

Lægðin sem stefnir hingað að kvöldi 17. júní er nokkuð djúp. Þrýstingi í lægðarmiðju er spáð niður fyrir 980 hPa á þriðjudaginn. Svo djúpar lægðir koma ekki að landinu á hverju ári í júnímánuði.

Spár eru ekki sammála um hversu lágt þrýstingurinn fer hér á landi - en hann gæti þó orðið lægri heldur en síðan 2002 - í júnímánuði að segja. Þá gerði eftirminnilegt illviðri einmitt þann 18. júní og segja sumir að þar með hafi sumrinu lokið það árið - því það stórsá á gróðri.

Fyrri hluti júnímánaðar 2002 var fádæma góður og náði hiti í Reykjavík þá 22,4 stigum - einstakt svo snemma sumars.

Lægðin núna verður vonandi ekki nærri því svo slæm en við sjáum þó á kortinu hér að neðan að þrýstilínur eru þéttar sunnan og suðaustanvið lægðarmiðjuna. Vindur þar gæti farið í 15 til 20 m/s þar sem mest er.

w-blogg170613a

Kortið er fengið úr hirlam-reiknilíkaninu og gildir kl. 9 á þriðjudagsmorgni 18. júní. Þrýstilínur eru dregnar með 2 hPa bili og þrýstibratti sýnist því meiri heldur en er á kortum þar sem 4 eða 5 hPa eru notuð milli lína - en það er algengast.


« Síðasta færsla | Næsta færsla »

Athugasemdir

1 Smámynd: Sandy

Takk fyrir að segja frá þessu þá get ég bjargað sumarblómunum mínum sem ég er ný búin að planta í skjól.

Sandy, 17.6.2013 kl. 05:15

2 Smámynd: Sigurður Þór Guðjónsson

Hvar er eignlega sumarið?! Hvar endar þetta?!

Sigurður Þór Guðjónsson, 17.6.2013 kl. 12:30

3 identicon

Hvar er eiginlega óðahlýnunin?! Hvar endar þetta?!

Hilmar Hafsteinsson (IP-tala skráð) 17.6.2013 kl. 13:46

4 identicon

Þetta sumar ætlar svo sannarlega að vera sumar án sumarveðurs.

Nú er langt liðið á júní og enn bólar ekkert á betra veðri. Það styttist í haustið, og önnur haustlægðin í ár geisar nú 17. júní.

Ég er farinn að hlakka til haustsins, því sumarið er að verða ónýtt. Veðrið haust verður áreiðanlega betra en þetta leiðindasumarveður.

Loftlagshlýnunarsinnar hljóta að vera ánægðir með þessa þróun. Annars væru þeir bara vanþakklátir.

Amk. er eitt víst að svona verður veðráttan nái markmið og óskir loftslagshlýnunarsinnar að rætast, svöl, vætusöm og sólarlítil sumur, og síðan kaldir og snjóþungir vetur.

Þá ættu lofslagshlýninarsinnar að verða ánægðir.

Verði þeim þá að góðu!

Björn J. (IP-tala skráð) 17.6.2013 kl. 23:03

5 Smámynd: Trausti Jónsson

Og ekki allt búið enn.

Trausti Jónsson, 18.6.2013 kl. 00:56

Bæta við athugasemd

Ekki er lengur hægt að skrifa athugasemdir við færsluna, þar sem tímamörk á athugasemdir eru liðin.

Um bloggið

Hungurdiskar

Höfundur

Trausti Jónsson
Trausti Jónsson
Höfundur er veðurfræðingur og áhugamaður um veður.

Færsluflokkar

Apríl 2024
S M Þ M F F L
  1 2 3 4 5 6
7 8 9 10 11 12 13
14 15 16 17 18 19 20
21 22 23 24 25 26 27
28 29 30        

Nýjustu myndir

  • Slide10
  • Slide8
  • Slide6
  • Slide5
  • Slide4

Heimsóknir

Flettingar

  • Í dag (22.4.): 51
  • Sl. sólarhring: 435
  • Sl. viku: 1815
  • Frá upphafi: 2349328

Annað

  • Innlit í dag: 39
  • Innlit sl. viku: 1631
  • Gestir í dag: 39
  • IP-tölur í dag: 38

Uppfært á 3 mín. fresti.
Skýringar

Eldri færslur

Innskráning

Ath. Vinsamlegast kveikið á Javascript til að hefja innskráningu.

Hafðu samband