Með því kaldasta sem sést

Þegar þetta er skrifað (sunnudagskvöld 28. apríl) er norðanhvassviðri að ganga niður á landinu. Í kjölfar þess fylgir óvenjukalt loft úr norðri. Aðfaranótt þriðjudags er þykktinni spáð niður í 5040 metra á Norðausturlandi. Þetta er mjög stutt frá lágmarksmetum árstímans. Það vill til að vindur er hægur og sólin afskaplega hjálpleg að deginum. Því er líklegt að við verðum hlýrra megin garðs í keppni um kuldamet að þessu sinni. En það kemur víst í ljós.

w-blogg290413a

Spáin á kortinu gildir klukkan 6 að morgni þriðjudagsins 30. apríl og sýnir jafnþykktarlínur heildregnar en litafletir sýna hita í 850 hPa (um 1430 metra hæð í þessu tilviki).

Hlýtt loft er langt undan og evrópureiknimiðstöðin býst við því að þykkti haldist undir 5200 metrum fram á fimmtudag að minnsta kosti. Hlýja loftið sem þá á að nálgast gerir það úr öfugri átt - það er að segja frá Grænlandi. Á þessum árstíma er slíkum sendingum venjulega lítt að treysta. Norðvestanátt í háloftunum er hretavæn - jafnvel þegar hún er hlý.


« Síðasta færsla | Næsta færsla »

Athugasemdir

1 Smámynd: Sigurður Þór Guðjónsson

Framsóknarhret eru sjaldan gæfuleg!

Sigurður Þór Guðjónsson, 29.4.2013 kl. 00:31

2 identicon

8 mánaða vetur á Norðurlandi. Bændur tala um samfelldan jökul yfir landinu og horfa fram á kal í túnum og heybönn.

Er ekki ástæða til að fara að afnema kolefnisskatt á eldsneyti? :)

Hilmar Hafsteinsson (IP-tala skráð) 29.4.2013 kl. 19:38

3 Smámynd: Trausti Jónsson

Ég veit ekki með framsóknarhretin - en mig minnir að fyrir norðan sé vorhret kennt við KEA - kaupfélagsfundarkastið og ég held að eitthvað svipað sé víðar um land. Það er nú með þennan kolefnisskatt Hilmar, hann er bara skattur meðal annarra skatta, náfrændi sykurskattsins og notaður á sama hátt.

Trausti Jónsson, 30.4.2013 kl. 01:27

4 identicon

Sæll Trausti. Gæturðu ekki útskýrt NAO fyrir okkur og hvað veldur því að NAO skiptist frá negatífu NAO yfir í pósítívt NAO?

Hermundur Sigurdsson (IP-tala skráð) 30.4.2013 kl. 20:21

5 Smámynd: Trausti Jónsson

Hermundur, ástæður NAO „sveiflunnar“ eru ekki þekktar í smáatriðum. Tæknilega er munur á NAO-fyrirbrigðinu og NAO-tölunni. Þannig verður að hafa í huga að fyrirfram er ákveðið er að meðaltal NAO-tölunnar yfir lengri tíma sé núll, þannig að hún sveiflast óhjákvæmilega á milli. Ég skrifaði nokkuð langan pistil á vef Veðustofunnar fyrir nokkrum árum þar sem fjallað er um NAO og NAO-töluna:

http://www.vedur.is/vedur/frodleikur/greinar/nr/1803

Bestu kveðjur.

Trausti Jónsson, 1.5.2013 kl. 01:48

Bæta við athugasemd

Ekki er lengur hægt að skrifa athugasemdir við færsluna, þar sem tímamörk á athugasemdir eru liðin.

Um bloggið

Hungurdiskar

Höfundur

Trausti Jónsson
Trausti Jónsson
Höfundur er veðurfræðingur og áhugamaður um veður.

Færsluflokkar

Mars 2024
S M Þ M F F L
          1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31            

Nýjustu myndir

  • w-blogg200324b
  • w-blogg200324a
  • Slide10
  • Slide9
  • Slide8

Heimsóknir

Flettingar

  • Í dag (29.3.): 41
  • Sl. sólarhring: 74
  • Sl. viku: 439
  • Frá upphafi: 2343352

Annað

  • Innlit í dag: 35
  • Innlit sl. viku: 395
  • Gestir í dag: 33
  • IP-tölur í dag: 32

Uppfært á 3 mín. fresti.
Skýringar

Eldri færslur

Innskráning

Ath. Vinsamlegast kveikið á Javascript til að hefja innskráningu.

Hafðu samband