Enn af austanátt

Enn ríkir austanáttin yfir N-Atlantshafi - engin tíðindi í því. En lítum samt á hana á korti sem gildir kl. 18 á sunnudag 24. mars - úr safni hirlam-líkansins.

w-blogg240313a

Engin sunnanátt nema við Asóreyjar eða hvað? Jú, rauða örin á sér sunnanþátt þrátt fyrir yfirgnæfandi austanáttina. Þar hreyfist hlýtt loft til vesturs í sneiðum. Kalt loft kemur í fleyg úr austri yfir Suður-Svíþjóð og til Bretlands. Það mun berast hingað til lands - en verður ekki svo kalt þegar hingað kemur - smávegis kólnar þó. Nýr skammtur af kulda kemur inn yfir Norður-Noreg. á leið suður. 

Hæðin risastóra nær langt vestan úr Kanada og austur til Noregs. Hún þarf sitt fóður - loft leitar út úr hæðum. Heldur sljákkar í henni næstu daga.

Bretum finnst þeir ofsóttir (bbc) - en norðmenn eru yfir sig ánægðir með stöðuna, bestu skíðapáskar síðan 1978 segja þeir - þurrsnævi þekur meginhluta landsins (norska veðurstofan og yr.no). Svíar benda á óvenjuleg ísalög í Austurbotni. Útbreiðslan er ekki endilega óvenjuleg heldur það að hún fer enn vaxandi. Venjulega fer ísmagn á þeim slóðum að minnka þegar nálgast jafndægur - en ekki að aukast eins og nú gerist (veðurblogg sænsku veðurstofunnar, SMHI).

Norðurhvelsísinn hefur náð hámarki og er farinn að sveigja til sumars. Ísinn við Austur-Grænland nær oft ekki hámarki fyrr en í apríl. Nú er miklu meiri ís í Barentshafi heldur en var í fyrra - virðist vera að ná meðaltali (cryosphere today).


« Síðasta færsla | Næsta færsla »

Athugasemdir

1 Smámynd: Emil Hannes Valgeirsson

Mér finnst þetta vera óvenjulegur vetur þó flestir vetur séu reyndar óvenjulegir á einhvern hátt. Kannski má segja að þessar miklu austanáttir geri veturinn óvenjulegan á nýstárlegan hátt.

Emil Hannes Valgeirsson, 24.3.2013 kl. 18:30

2 Smámynd: Trausti Jónsson

Það er alveg satt að þetta er óvenjulegur vetur. Varla borið við að þurft hafi að hreinsa snjó af bílum hér á höfuðborgarsvæðinu og kuldaskór hafa að mestu leyti legið óhreyfðir til þessa. Það styttist í að hægt verði að gera hann upp, þar með talið austanáttatíðnina. Hlýindin í janúar og febrúar voru að sönnu mjög óvenjuleg og mars gæti enn náð því að vera ofan við meðallag í hita.

Trausti Jónsson, 25.3.2013 kl. 00:59

Bæta við athugasemd

Ekki er lengur hægt að skrifa athugasemdir við færsluna, þar sem tímamörk á athugasemdir eru liðin.

Um bloggið

Hungurdiskar

Höfundur

Trausti Jónsson
Trausti Jónsson
Höfundur er veðurfræðingur og áhugamaður um veður.

Færsluflokkar

Nóv. 2019
S M Þ M F F L
          1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30

Nýjustu myndir

  • w-blogg151119g
  • w-blogg151119g
  • w-blogg151119g
  • w-blogg151119f
  • w-blogg151119e

Heimsóknir

Flettingar

  • Í dag (17.11.): 164
  • Sl. sólarhring: 164
  • Sl. viku: 2291
  • Frá upphafi: 1851366

Annað

  • Innlit í dag: 139
  • Innlit sl. viku: 1960
  • Gestir í dag: 127
  • IP-tölur í dag: 122

Uppfært á 3 mín. fresti.
Skýringar

Innskráning

Ath. Vinsamlegast kveikið á Javascript til að hefja innskráningu.

Hafðu samband