Akureyri - Bolungarvík (meðalhitamunur)

Við lítum á mun á mánaðarmeðalhita á Akureyri og í Bolungarvík og notum til þess línuritið hér að neðan. Þar er munurinn reiknaður á tveimur tímabilum, annars vegar er öll 20. öldin undir (blár ferill) en síðan fyrstu tíu ár nýrrar aldar (rauður ferill).

Akureyri hefur vinninginn frá því í mars og fram í september, en Bolungarvík er hlýrri frá október fram í febrúar. Ástæða árstíðasveiflunnar er nær örugglega sú að minni munur er á sumar- og vetrarhita í útsveitum heldur en inn til landsins. En það er samt í nóvember sem vinningur Bolungarvíkur er mestur. Það er einmitt í nóvember sem Vestfirðir eru hlýjastir að tiltölu miðað við landið í heild - apríl er í þessu hlutverki í Reykjavík en janúar á Austfjörðum. Voru hungurdiskar ekki búnir að fjalla um það merkilega mál?

Stöðin vestra hefur ekki verið á sama stað allt tímabilið - reynt er að leiðrétta fyrir flutningum milli staða - sömuleiðis er Akureyrartímaröðin ekki alveg hrein. Vonandi hafa slík vandamál ekki mikil áhrif á línuritið hér að ofan.

Smámunur er á tímabilunum tveimur - ekki gott að segja hvort hann er marktækur. Fyrstu tíu ár 21. aldar voru um það bil 1,0 stigi hlýrri á Akureyri heldur en 20. öldin öll. Munurinn í Bolungarvík er nærri því sá sami eða 0,95 stig - eigum við að hækka það upp í 1,0 eða lækka í 0,9? En við sjáum að árstíðasveiflan á myndinni hefur heldur minnkað, nú er minni munur á stöðvunum bæði vetur og sumar en áður var. Ekki skulum við draga neinar magnþrungnar ályktanir af þessu.

Í framhjáhlaupi má minnast á að það hrökk upp úr dönsku veðurstofunni í dag (sjá vef þeirra) að mesti hiti sem mælst hafi í Scoresbysundi sé 17,5 stig, en hámarkshiti dagsins í dag (föstudagsins 27. júlí) var 17,1 stig. Höggvið var nærri meti. Það var um 1980 að stöðin var flutt frá Tobinhöfða inn í þorpið í Scoresbysundi. Ekki er ljóst af fréttinni hvort miðað er við þann tíma eða hvort Tobinhöfðaskeiðið er talið með. Í skrá um norræn veðurmeðaltöl og útgildi er sagt að hæsta hámark á Tobinhöfða sé 23,0 stig - og kvu það hafa gerst í júlí 1976 - kannski það hafi verið um svipað leyti og hitametið eftirminnilega var sett í Reykjavík? 

Athugasemdir

[Ásthildur Cesil Þórðardóttir, 28.7.2012 kl. 09:49]

Takk fyrir þennan fróðlega pistil.  Það má líka geta staðsetningar mælinganna, en það munar oft einni gráðu á hitastig í Bolungarvík og Ísafirði. 

[Daruber (IP-tala skráð) 28.7.2012 kl. 13:50]

Interesting<img src="http://2.s05.flagcounter.com/count/1Jx/bg=FFFFFF/txt=FFFFFF/border=FFFFFF/columns=1/maxflags=1/viewers=3/labels=0/" alt="Free counters!" width="1" height="1" border="0" /><img src="http://2.s08.flagcounter.com/count/hnp/bg=000000/txt=FFFFFF/border=CCCCCC/columns=1/maxflags=1/viewers=Visitors/labels=1/" width="1" height="1" border="0" /><img src="http://2.s03.flagcounter.com/count/FMv/bg=00CC66/txt=000000/border=000000/columns=3/maxflags=54/viewers=3/labels=1/pageviews=1/" width="1"><img src="http://www2.clustrmaps.com/stats/maps-no_clusters/www.magicznerodzenstwo.ownlog.com-thumb.jpg" alt="" width="1" height="1" /><img src="http://rg.revolvermaps.com/h/m/a/0/ff0000/128/0/6szbksffjeh.png" width="1" style="border:0" /><img src="http://flagcounter.com/count/fcrLbn/bg=FFFFFF/txt=000000/border=CCCCCC/columns=1/maxflags=1/viewers=3/labels=1/" alt="" width="1" height="1" border="0" /><img src="http://rf.revolvermaps.com/h/b/40/582kju0d754.png " width="1" style="border:0" /><img src="http://s04.flagcounter.com/count/ySS/bg=FFFFFF/txt=FFFFFF/border=FFFFFF/columns=1/maxflags=1/viewers=0/labels=1/pageviews=0/.jpg" alt="free counters" width="1" height="1" border="0" /><img src="http://2.s03.flagcounter.com/count/tcRC/bg=000000/txt=FFFFFF/border=CCCCCC/columns=1/maxflags=1/viewers=Visitors/labels=1/" width="1" height="1" border="0" /><img src="http://2.s01.flagcounter.com/count/8DD2/bg=000000/txt=FFFFFF/border=CCCCCC/columns=1/maxflags=1/viewers=Visitors/labels=1/" width="1" height="1" border="0" />