Illviðrin: Tölur úr föstudagsveðrinu auk samanburðar

Í viðhenginu er listi þar sem tíundaður er mesti vindhraði og mesta vindhviða á sjálfvirku stöðvunum í föstudagsveðrinu (því sem í undanförnum pistlum hefur verið kallað B2). Sams konar listi fyrir veðrið á þriðjudagskvöld og aðfaranótt miðvikudags fylgdi pistli fyrir nokkrum dögum.

Mesti vindhraði í föstudagsveðrinu:

dagur klst vindátt maxfx maxfg stöðvarnafn
11         7     152     46,9   51,7 Jökulheimar
11         7     124     41,3   51,2 Vatnsfell
11       12     142     37,6   43,7 Þúfuver
11         6     105     36,9   48,6 Stórhöfði sjálfvirk stöð
11         9     109     35,9   45,4 Veiðivatnahraun

Tölurnar eru í metrum á sek og vindátt í veðurgráðum. Tvö hæstu gildin eru hærri en hæsta gildið í þriðjudagsveðrinu. Mesta vindhviðan mældist á Miðfitjahól í Skarðsheiði 56,2 m/s en þar var mesti meðalvindhraði mun lægri, aðeins 23,4 m/s.

Mesta vindhviða á vegagerðarstöð mældist 56,1 m/s í Hvammi undir Eyjafjöllum. Það var eina gildið yfir 50 m/s á vegagerðarstöð í föstudagsveðrinu, en í þriðjudagsveðrinu fóru hviður yfir 50 m/s á 5 stöðvum.

Tíu-mínútna meðalvindur náði 21 m/s á 79 stöðvum en í þriðjudagsveðrinu voru stöðvarnar 90. Fjörutíu og átta vegagerðarstöðvar náðu 20 m/s í föstudagsveðrinu, en á þriðjudag(miðvikudag) voru þær 45.

Sé litið á 30 m/s voru veðrin einnig mjög sambærileg, 17 stöðvar náðu því marki í föstudagsveðrinu en 16 í því fyrra. Þrjár vegagerðarstöðvar náðu 30 m/s í báðum veðrum. Hvaða stöðvar þetta voru geta menn séð í viðhengjunum hér og með fyrri pistli.

Lítum að lokum á mynd sem sýnir vindáttir í veðrunum.

Hér hefur vindáttum verið skipt á 10-gráðu bil, talan 9 stendur því fyrir 90° (austur), 12 fyrir 120° (austsuðaustur). Þriðjudagsveðrið (B0) er merkt blátt, en föstudagsveðrið er rautt. Við sjáum að dreifing vindátta er ekki mikil fellur í báðum veðrum á um 40 til 50 gráða bil. Algengasta hámarksvindhraðaátt í þriðjudagsveðrinu var á bilinu 90 til 100 gráður, en 110 til 120 gráðum í föstudagsveðrinu. Þessi litla hreyfing á áttinni getur munað miklu hvað mesta vindhraða varðar á einstökum veðurstöðvum. Sjálfsagt gefa viðhengislistarnir einhverjar bendingar um það.

Bæði veðrin skora allhátt á lista yfir verstu veður undanfarinna ára - alvöruillviðri.

Skrár tengdar þessari bloggfærslu:

• mesti vindraði 11-feb.2011

Athugasemdir

[Pálmi Freyr Óskarsson, 12.2.2011 kl. 21:25]

Skjárinn á Stórhöfða sýndi hámarks 10 mín. vindhraða 37,2 m/s. enn ekki 36,9 m/s.

[Jón Aðalsteinn Jónsson, 12.2.2011 kl. 22:45]

Virðist hafa verið vont veður og talsvert foktjón sem ekki hefur verið minst á í minni gömluheimabygð uppsveitum Borgarfjarðar til dmis fauk þak í heilu lagi af hlöðu á Rauðsgili og hefir þurft mikið til til að rykkja sperrunum upp úr steynsteypunni ef þæt lysingar sem að ég hef  heyrt eru réttar

[Trausti Jónsson, 13.2.2011 kl. 00:08]

Gott að frétta af skaðanum á Rauðsgili Jón Aðalsteinn, en veistu í hvoru veðrinu það gerðist? Ég hef kenningu um hvernig stendur á misræminu milli skjásins og sjálfvirku stöðvarinnar Pálmi, en ég veit ekki enn hvort hún er rétt en fæ hana vonandi staðfesta eða ekki á næstunni og læt þá vita.

[Gunnar Rögnvaldsson, 13.2.2011 kl. 00:52]

Takk fyrir góðar bloggfærslur Trausti

Bendi á

Sjálfvirk stöð: Föstudagur, 11. feb. - Skarðsheiði Miðfitjahóll 

kl. 03:00

12 m/s

23 m/s

56 m/s

Það var vægast sagt mjög hvasst  í nágrenninu ;)

Kveðjur

[Bjarni Guðmundsson (IP-tala skráð) 13.2.2011 kl. 10:42]

Ögn kyndugt veður fötsudagsveðrið. Heyrði af mínum heimabæ í Dýrafirði að svipst hefðu einar 10 plötur af þaki fjárhúss. Kannski ekki kyndugt í ljósi aldurs mannvirkisins en fremur vegna vindáttarinnar; hún var þar og þá talin hafa verið SA (þurr). Venja er sú að þar á bæ hafa menn fyrst andvara á sér þá hvass vindur hallast yfir í vestur, minnugir reynslu og líka veðurlýsingarinnar í Gíslasögu er þekjan sviptist af bæjarhúsum í Haukadal - sem örugglega var vanviðað langhús/skáli í norskum stíl, en þar í landi gerðu menn bara ráð fyrir að halda þyrfti þökum uppi - ekki niðri .... Annars bestu þakkir fyrir góða síðu.

[Jón Aðalsteinn Jónsson, 13.2.2011 kl. 21:11]

Það var í seinna veðrinu sem þakið for Trausti

[Trausti Jónsson, 14.2.2011 kl. 00:53]

Þakka þér fyrir Jón Aðalsteinn. Samkvæmt fréttum Skessuhorns urðu einnig fokskaðar á Kleppjárnsreykjum. Bjarni, þakka þér sömuleiðis fyrir upplýsingarnar.

[Pálmi Freyr Óskarsson, 14.2.2011 kl. 17:06]

Allt í lagi Trausti. Ég bíð þá bara eftir niðurstöðum.