Snjódýptarmet janúarmánaðar

Víða á landinu er erfittt er að mæla snjódýpt. Skafrenningur dregur snjóinn í stóra skafla og oft er autt á milli þeirra. Í sumum veðrum snjóar einhver ósköp en allt lendir út í sjó eða ofan í skurðum. Þá er erfitt að mæla.

Talsvert af snjódýptargögnum er til á Veðurstofunni og eru þær mælingar nokkuð samfelldar og áreiðanlegar á slatta af stöðum í fáeina áratugi. Fyrir þremur árum rúmum tók ég saman pistil á vef Veðurstofunnar um snjódýptarmet ársins fyrir landið í heild og einnig Reykjavík sömuleiðis er þar nokkur fróðleikur um fleira  þessu tengt. Nú er þægilegt að grípa til tengils á pistilinn.

En eitthvað verða þeir sem þegar hafa lesið gamla pisitilinn og muna hann (hversu margir skyldu þeir vera???). Hér má því í viðhengi finna lista með mestu snjódýpt í janúar á allflestum þeim stöðvum sem mælt hafa snjódýpt. Sá er hængur á að tölvugögn Veðurstofunnar um snjódýpt eru ekki samfelld á öllum stöðvum nema frá 1965. Nokkrar stöðvar gera þó betur. En þeir sem kunna tímaritið Veðráttuna utanbókar taka hugsanlega eftir því að snjódýpt áranna 1957 til 1960 er ekki í listanum og sömuleiðis vantar 1961 til 1964 á nokkrum stöðvum. Er beðist velvirðingar á þessu og vonandi tekst um síðir að gera skrárnar gatalausar - þannig að þar séu alla vega þær mælingar sem til eru.

Listann á að lesa með varúð. Hann er aðeins grisjaður þannig að hafi snjódýptin mælst sú sama marga daga í röð er aðeins fyrsti dagurinn í röðinni.

Mesta snjódýpt sem mælst hefur í janúar á landinu er 218 cm 20. janúar 1974 á Hornbjargsvita.

Skrár tengdar þessari bloggfærslu:

• mesta snjódýpt í janúar