Trúlegar veðurspár

Í dag eru veðurspár fyrir næstu viku aftur orðnar eðlilegar. Nú eigum við bæði að sleppa við mesta háþrýstinginn og versta norðanáhlaupið - það á nú að fara fyrir austan land. Nú er útlit fyrir venjubundinn norðan- og síðan norðaustanþræsing frá og með miðvikudegi. Hann sýnist sem endalaus. En þótt spárnar séu orðnar eðlilegar er veðrið ekki svo venjulegt. Kuldarnir í Evrópu halda áfram og þrýstingur hér verður áfram hár, þó nú sé síður líklegt að met verði. En munum enn að 4 daga spár og þaðan af meira eru oft mjög vitlausar. Vel má vera að næsta spá verði aftur hrokkin út af línunni. Spenna veðurnörda heldur sum sé áfram.

Í dag og í gær hafa mikil og falleg glitský sést um landið norðan- og austanvert. Mjög hátt liggjandi veðrahvörf fylgja fyrirstöðuhæðum og í dag voru þau í 11 km hæð í háloftaathuguninni á Egilsstöðum, þar var þá 70 stiga frost. Glitský þurfa hins vegar enn meira frost til að myndast þannig að líklegt er að skýin séu langtum ofar, en það má kíkja betur á það.


« Síðasta færsla | Næsta færsla »

Athugasemdir

1 Smámynd: Ben.Ax. (Benedikt  Jóhannes Axelsson)

Þegar ég var ungur í sveit gerði bóndinn á bænum gjarnan 20 mínútna veðurspá. Yfirleitt spáði hann því að það færi að rigna og bað því fólk að herða sig við heyskapinn. Stundum rættust spárnar enda rigndi nokkuð oft í þessari sveit.

Ben.Ax. (Benedikt Jóhannes Axelsson), 10.12.2010 kl. 18:04

2 Smámynd: Trausti Jónsson

Þakka, Benedikt. Spár af þessu tagi þykja nokkuð merkilegar í dag og heita meira að segja því ágæta, en útlenda nafni "nowcasting". Í veðurorðasafni mínu heita það núspár, umdeilanlegt orð en kannski ekki svo vitlaust. Skyndileit á útlenda orðinu á google gefur um 430 þúsund niðurstöður, en google skilur ekki orðið núspár. Hver veit nema það breytist núna. 

Trausti Jónsson, 11.12.2010 kl. 01:44

3 Smámynd: Sigurður Þór Guðjónsson

Verst að spárnar gengu ekki eftir. Við viljum fjör og stuð í veðrinu!

Sigurður Þór Guðjónsson, 11.12.2010 kl. 12:03

4 Smámynd: Trausti Jónsson

Spárnar eru ekki ennþá ekki gegnar efir. Enn er möguleiki á 500 hPa desembermeti á svæðinu.

Trausti Jónsson, 11.12.2010 kl. 17:30

Bæta við athugasemd

Ekki er lengur hægt að skrifa athugasemdir við færsluna, þar sem tímamörk á athugasemdir eru liðin.

Um bloggið

Hungurdiskar

Höfundur

Trausti Jónsson
Trausti Jónsson
Höfundur er veðurfræðingur og áhugamaður um veður.

Færsluflokkar

Mars 2025
S M Þ M F F L
            1
2 3 4 5 6 7 8
9 10 11 12 13 14 15
16 17 18 19 20 21 22
23 24 25 26 27 28 29
30 31          

Nýjustu myndir

  • w-blogg170325a
  • w-blogg160325a
  • Slide16
  • Slide15
  • Slide14

Heimsóknir

Flettingar

  • Í dag (18.3.): 296
  • Sl. sólarhring: 333
  • Sl. viku: 1976
  • Frá upphafi: 2454238

Annað

  • Innlit í dag: 271
  • Innlit sl. viku: 1818
  • Gestir í dag: 258
  • IP-tölur í dag: 253

Uppfært á 3 mín. fresti.
Skýringar

Eldri færslur

Innskráning

Ath. Vinsamlegast kveikið á Javascript til að hefja innskráningu.

Hafðu samband