Fyrstu tíu dagar aprílmánaðar 2024

Apríl byrjar heldur kuldalega. Meðalhiti fyrstu tíu dagana í Reykjavík er +0,5 stig, -2,2 stigum neðan meðallags 1991 til 2020 og -2,3 stigum neðan meðallags sömu daga síðustu tíu árin. Hitinn raðast í 20. hlýjasta sæti það sem af er öldinni (af 24). Kaldastir voru þessir sömu dagar árið 2021, meðalhiti þá -0,9 stig. Hlýjastir voru þeir 2014, meðalhiti +6,0 stig. Á langa listanum er hitinn nú í 115. hlýjasta sæti (af 152). Hlýjast var 1926, meðalhiti þá +6,6 stig, en kaldast var 1886, meðalhiti -4,4 stig.
 
Á Akureyri er meðalhitinn -2,6 stig og raðast í 79. hlýjasta sæti síðustu 89 ára. Hlýjast var í fyrra (+5,5 stig), en kaldast 1961 (-6,1 stig).
 
Á Norðurlandi eystra og Austurlandi að Glettingi er þetta kaldasta aprílbyrjun aldarinnar, en raðast í 20. hlýjasta sæti (af 24) á Suðaustur- og Suðurlandi.
 
Hiti er vel undir meðallagi um land allt. Minnsta vikið frá meðalhita síðustu tíu ára er við Skarðsfjöruvita, -1,1 stig, en mest -5,2 stig í Svartárkoti (þar er meðalhiti fyrstu 10 daga mánaðarins -7,7 stig).
 
Úrkoma í Reykjavík hefur aðeins mælst 3,2 mm og er það aðeins sjöundi hluti meðalúrkomu. Úrkoma þessa sömu daga hefur þó alloft verið minni, síðast 2013. Á Akureyri hefur úrkoma mælst 36,7 mm (óstaðfest tala) og 27,3 mm á Dalatanga.
 
Sólskinsstundir hafa mælst 67,4 í Reykjavík það sem af er mánuði. Það er um 20 stundir umfram meðallag. Á Akureyri hafa sólskinsstundirnar mælst 45.

« Síðasta færsla | Næsta færsla »

Bæta við athugasemd

Ekki er lengur hægt að skrifa athugasemdir við færsluna, þar sem tímamörk á athugasemdir eru liðin.

Um bloggið

Hungurdiskar

Höfundur

Trausti Jónsson
Trausti Jónsson
Höfundur er veðurfræðingur og áhugamaður um veður.

Færsluflokkar

Maí 2024
S M Þ M F F L
      1 2 3 4
5 6 7 8 9 10 11
12 13 14 15 16 17 18
19 20 21 22 23 24 25
26 27 28 29 30 31  

Nýjustu myndir

  • Slide10
  • Slide9
  • Slide11
  • w-1945v
  • Slide8

Heimsóknir

Flettingar

  • Í dag (23.5.): 53
  • Sl. sólarhring: 96
  • Sl. viku: 1594
  • Frá upphafi: 2356051

Annað

  • Innlit í dag: 49
  • Innlit sl. viku: 1479
  • Gestir í dag: 46
  • IP-tölur í dag: 45

Uppfært á 3 mín. fresti.
Skýringar

Eldri færslur

Innskráning

Ath. Vinsamlegast kveikið á Javascript til að hefja innskráningu.

Hafðu samband