Smávegis af nýliðnum janúar

Eins og fram kom í yfirliti Veðurstofunnar var nýliðinn janúar heldur kaldari á landinu en algengast hefur verið það sem af er þessari öld. Á landsvísu var meðalhitinn -0,9 stig. Það er í meðallagi 90 ára (1931-1990), en -0,5 stig neðan við meðallag síðustu tíu ára. 

w-blogg030224a

Á Austfjörðum var þetta þriðjikaldasti janúar það sem af er öldinni, en hlýjast að tiltölu var við Faxaflóa og á Suðurlandi. 

w-blogg030224b

Hér má sá meðalhæð 500 hPa-flatarins (heildregnar línur), meðalþykktina (daufar strikalínur) og þykktarvik (litafletir). Hér er miðað við 1981 til 2010 þannig að hiti í neðri hluta veðrahvolfs yfir landinu er nærri meðallagi (þykktin mælir hitann). Mjög hlýtt var yfir Kanada (kuldapollurinn Stóri-Boli lét ekki á sér kræla fyrr en í síðustu viku mánaðarins). Skandinavía endaði líka ekki fjarri meðallagi - en þar var mánuðurinn mjög tvískiptur, kuldar fyrst, en síðan hlýindi. Óvenjuleg hlýindi voru á Spáni, einkum sunnan til.

Háloftavindar mega teljast í meðallagi. Hlýindi mun meira áberandi á kortinu heldur en kuldi þó meira hafi verið um kulda talað. Sýnir kannski að vitund manna er eitthvað að hnikast til. Að sögn á nú köld vika að taka við hér á landi. 

w-blogg030224c

Spákort reiknimiðstöðvarinnar fyrir vikuna 5. til 11.febrúar er nokkuð krassandi. Hlýindin yfir Kanada sprengja kvarðann, mjög hlýtt á einnig að verða í Mið-Evrópu, en kalt hér á landi (sé að marka spána). Talan yfir landinu er -136 metrar, sé það tekið bókstaflega sem hitaspá er það -7 stig neðan meðallags. Næstu viku þar á eftir er hins vegar spáð hlýrri - þannig að heildarútkoma febrúar er langt í frá gefin. 

Við þökkum BP fyrir kort. 


« Síðasta færsla | Næsta færsla »

Bæta við athugasemd

Ekki er lengur hægt að skrifa athugasemdir við færsluna, þar sem tímamörk á athugasemdir eru liðin.

Um bloggið

Hungurdiskar

Höfundur

Trausti Jónsson
Trausti Jónsson
Höfundur er veðurfræðingur og áhugamaður um veður.

Færsluflokkar

Feb. 2024
S M Þ M F F L
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29    

Nýjustu myndir

  • w-1949-iskort
  • Slide19
  • Slide18
  • Slide17
  • Slide16

Heimsóknir

Flettingar

  • Í dag (27.2.): 58
  • Sl. sólarhring: 105
  • Sl. viku: 1454
  • Frá upphafi: 2336656

Annað

  • Innlit í dag: 54
  • Innlit sl. viku: 1315
  • Gestir í dag: 50
  • IP-tölur í dag: 48

Uppfært á 3 mín. fresti.
Skýringar

Eldri færslur

Innskráning

Ath. Vinsamlegast kveikið á Javascript til að hefja innskráningu.

Hafðu samband