Fyrstu 20 dagar maímánaðar

Fyrstu 20 dagar maímánaðar hafa verið hlýir hér á landi. Meðalhiti í Reykjavík er 7,1 stig, +1,1 stig ofan meðallags sömu daga 1991-2020 og meðaltals síðustu tíu ára. Hitinn raðast þar í 8. hlýjasta sæti aldarinnar (af 23). Hlýjastir voru sömu dagar í maí 2008 (8,1 stig), en kaldastir 2015 (3,7 stig). Á langa listanum er raðast hitinn í Reykjavík í 29. hlýjasta sæti (af 149). Hlýjast var 1960, meðalhiti þá 9,3 stig, en kaldast 1979, meðalhiti ekki nema 0,6 stig.

Á Akureyri er meðalhiti nú 7,5 stig, +2,1 stigi ofan meðallags 1991-2020 og +2,3 stig ofan meðallags síðustu tíu ára.

Þetta er næsthlýjasta maíbyrjun aldarinnar á Norðurlandi eystra, Austurlandi og á Miðhálendinu, en sú sjöundahlýjasta á Ströndum og Norðurlandi vestra. Miðað við síðustu tíu ár hefur verið hlýjast á Brúaröræfum, þar er hiti nú +4,0 stigum ofan meðallags, en kaldast að tiltölu hefur verið á Reykjum í Hrútafirði, +0,6 stig ofan meðallags.

Úrkoma hefur verið mikil í Reykjavík, hefur mælst 73,0 mm og er það meir en tvöföld meðalúrkoma sömu daga, sú mesta á öldinni, en sú fimmtamesta frá upphafi mælinga. Mest var hún sömu daga 1991, 104,4 mm. Á Akureyri hefur úrkoman mælst 8,2 mm, það er um helmingur meðalúrkomu.

Sólarlitið hefur verið suðvestanlands. Sólskinsstundir hafa mælst 63,1 í Reykjavík, rúmum 70 stundum færri en að meðaltali og hafa aðeins fjórum sinnum mælst færri sömu daga síðustu 111 ár, fæstar 49,2 árið 1980. Á Akureyri hafa sólskinsstundirnar mælst 126,8 og er það 18,1 stund umfram meðallag.


« Síðasta færsla | Næsta færsla »

Bæta við athugasemd

Ekki er lengur hægt að skrifa athugasemdir við færsluna, þar sem tímamörk á athugasemdir eru liðin.

Um bloggið

Hungurdiskar

Höfundur

Trausti Jónsson
Trausti Jónsson
Höfundur er veðurfræðingur og áhugamaður um veður.

Færsluflokkar

Júní 2023
S M Þ M F F L
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30  

Nýjustu myndir

  • w-blogg070623a
  • Slide16
  • Slide15
  • Slide14
  • Slide13

Heimsóknir

Flettingar

  • Í dag (10.6.): 204
  • Sl. sólarhring: 437
  • Sl. viku: 2880
  • Frá upphafi: 2271246

Annað

  • Innlit í dag: 199
  • Innlit sl. viku: 2603
  • Gestir í dag: 195
  • IP-tölur í dag: 193

Uppfært á 3 mín. fresti.
Skýringar

Eldri færslur

Innskráning

Ath. Vinsamlegast kveikið á Javascript til að hefja innskráningu.

Hafðu samband