Býsna mikill snjór

Eins og fram hefur komið í fréttum er nú snjóþungt nokkuð víða um land. Snjó er þó mjög misskipt eins og gengur. Mestur er hann að tiltölu í Fljótum, almennt við Eyjafjörð og svæðinu þar næst austan við. Nokkuð mikill snjór er líka austanlands og verður að teljast óvenjumikill á sunnanverðum Austfjörðum (eftir því sem frést hefur til) sem og á mestöllu Suðausturlandi. Sömuleiðis er allmikill snjór sums staðar á Suðurlandi, einkum inn til sveita. Lítill snjór er hins vegar við Faxaflóa og á Snæfellsnesi - og ekki mjög mikill á vestanverðu Norðurlandi.

Á fáeinum stöðvum fyrir norðan er þetta mesti snjór frá 1995 að telja, t.d. í Fljótum og í Fnjóskadal innanverðum - á sumum stöðvum var snjór ámóta árið 2000.   

Athugasemdir

[Hjalti Þórðarson (IP-tala skráð) 14.3.2020 kl. 17:34]

Tröllaskaginn er furðulegt svæði. Þessi ægileg snjór í Fljótum en síðan á sama tíma nánast alautt syðst í Blönduhlíð. Eins og þetta sé ekki í sama landi þó í sama héraði sé.