Met - (með smátilslökunum)

Kuldakastinu er kannski ekki alveg lokið - en það hefur alla vega slitnað í sundur. Við getum í því samhengi litið á nokkrar tölur. 

Mesta frost ársins á landinu fram til þessa eru -29,3 stig sem mældust í Svartárkoti. Það er lægsta lágmark sem mælst hefur á sjálfvirkri veðurstöð í byggð í febrúarmánuði - met út af fyrir sig. Mesta frost sem mælst hefur á landinu í febrúar er ekki mikið meira, -30,7 stig sem mældust í Möðrudal 4.febrúar 1980. Mest frost á sjálfvirkri veðurstöð í febrúar mældist í Veiðivatnahrauni 2.febrúar 2008, -30,3 stig. 

Reyndar féll annað byggðarmet mánaðar (á sjálfvirkri stöð) - þegar hámarkshiti sólarhringsins við Mývatn var -18,4 stig þann 3. Landsmetið (mannaðar stöðvar líka) er reyndar aðeins lægra, -21,0 stig, sett í Möðrudal þann 15.febrúar 1987. 

Fáein febrúarlágmarkshitamet féllu á einstökum sjálfvirkum stöðvum. Hér er listi yfir þær sem athugað hafa lengur en tíu ár. Mikið kuldakast gerði í febrúar 2008 og þá var kaldara en nú á flestum athugunarstöðvum sem þá voru starfræktar. 

byrjar	metár	mán	dagur	nýtt met		nafn
1995	2019	2	3	-22,2		Öxnadalsheiði
1996	2019	2	3	-29,0		Mývatn
1997	2019	2	2	-16,7		Korpa
1999	2019	2	3	-24,0		Mývatnsheiði
2003	2019	2	3	-16,1		Reykir í Hrútafirði
2003	2019	2	3	-16,1		Blönduós
2003	2019	2	3	-28,7		Möðrudalur
2003	2019	2	3	-29,3		Svartárkot
2006	2019	2	3	-14,8		Skjaldþingsstaðir
2006	2019	2	3	-20,8		Torfur
2006	2019	2	2	-21,7		Gauksmýri
2007	2019	2	3	-16,5		Fáskrúðsfjörður Ljósaland

Febrúar (og janúarlágmarksmet) voru einnig sett á höfuðborgarsvæðinu í heild. Lítum á tvo lista. Sá fyrri sýnir lægsta hita sem mælst hefur í hverjum mánuði á sjálfvirkum stöðvum höfuðborgarsvæðisins.

nafn	ár	dagur	hiti	stöð
jan	2019	31	-20,0	Víðidalur
feb	2019	2	-21,5	Sandskeið
mar	1998	7	-17,1	Korpa
apr	2013	13	-16,2	Sandskeið
maí	2013	2	-12,9	Sandskeið
jún	2011	7	-2,8	Straumsvík
júl	2013	1	-1,2	Sandskeið
ágú	2013	2	-2,7	Sandskeið; líka 7. sama ár
sep	2018	23	-8,0	Sandskeið
okt	2002	31	-10,5	Korpa; Hólmsheiði 28. 2008 og Sandskeið 6.2018
nóv	2013	18	-19,7	Sandskeið
des	2013	5	-21,7	Sandskeið

Feitletruðu tölurnar toppa líka eldri mánaðarlágmörk á svæðinu - hér að neðan er líka listi yfir þau. Hiti í Víðidal fór lægst í -21,3 stig (nærri því eins neðarlega og á Sandskeiði).

nafn	ár	dagur	hiti	stöð
jan	1918	21	-28,0	Vífilsstaðir
feb	1969	6	-20,7	Hólmur
mar	1919	3	-23,0	Vífilsstaðir; Reykjavík 22. 1881
apr	1968	1	-21,2	Hólmur
maí	1943	8	-11,5	Kolviðarhóll
jún	1915	1	-3,0	Vífilsstaðir
júl	1983	18	-1,7	Hólmur
ágú	1964	25	-3,3	Hólmur
sep	1969	30	-9,4	Hólmur
okt	1967	17	-14,4	Hólmur
nóv	2004	19	-18,4	Korpa
des	1917	17	-22,0	Vífilsstaðir

Minna má á að þann 30.janúar 1971 mældist lágmarkshiti á Hólmi -25,7 stig. Hefði janúar verið 28-daga langur, en febrúar aftur á móti 31 væri nýja metið ekki met. Febrúar er ívið ólíklegri til að fanga lægstu lágmörk heldur en janúar. 

Þegar öllum kuldum er lokið - (eða að öðrum kosti eftir næstu mánaðamót) reiknum við e.t.v. út vísitölur þessa fróðlega kuldakasts og berum saman við önnur.