Austanblástur

Við lítum nú á stöðuna á norðurhveli og veljum til þess spákort evrópureiknimiðstöðvarinnar sem gildir kl.18 síðdegis á þriðjudag, 5.febrúar.

w-blogg030219a

Jafnhæðarlínur 500 hPa-flatarins eru heildregnar. Af þeim má ráða vindátt og vindstyrk í veðrahvolfinu. Þykktin er sýnd í lit, hún mælir hita í neðri hluta veðrahvolfs. Því minni sem hún er því kaldara er loftið. Kvarðinn skýrist nokkuð sé kortið stækkað. Mörk á milli blárra og grænna lita eru sett við 5280 metra, rétt ofan meðallags þessa árstíma hér á landi. Mikil lægð suðvestur af landinu beinir til okkar heldur hlýrra lofti en því sem hefur verið yfir undanfarna viku - en mestu munar samt að töluvert hvassviðri fylgir, sérstaklega um landið sunnanvert og líkur því á að kalda loftið sem legið hefur yfir í neðstu lögum víki undan og blandist upp. 

Snjór veldur því hins vegar að hiti verður ekki sérlega hár og um leið og hægir frýs aftur. Lægðin á síðan að mjakast til austurs fyrir sunnan land og líkur taldar á því að næsta bylgja - sem á kortinu er undan austurströnd Bandaríkjanna fari svipaða leið - breyti sem sagt stöðunni ekki í grundvallaratriðum. Sá kostur er við þetta þó að „hlýindin“ sem yfir okkur verða á þriðjudaginn lenda fyrir norðan land og mynda þar dálitla fyrirstöðu gegn mjög alvarlegum kuldaárásum úr norðri. Í svipinn er þó talið líklegt að eitthvað af allköldu lofti læðist að okkur úr norðri austan þessarar smáfyrirstöðu á fimmtudag og föstudag. Kuldatíðinni er því ekki lokið þó eitthvað lini á þriðjudag og miðvikudag og hætt við að nokkuð napurt þyki þegar vindur fer að blása. 

Kuldapollurinn Stóri-Boli er að endurskipuleggja sig - ekki mjög öflugur á þessu korti - en það stendur til bóta síðar. 

Það vekur nokkra athygli að kalt er við vesturströnd Bandaríkjanna á þessu korti, og er viðlíka stöðu spáð eitthvað áfram. Við höfum eitthvað frétt af rigningum í Kaliforníu, en minna af óvenjulegheitum við Seattle og Vancouver en kuldar eru ekki algengir á þeim slóðum, en kannski fjallgarðurinn mikli hafi varið þessa staði eins og oftast er. 

Eins er ekki neinn blíðusvipur á lægðinni yfir Miðjarðarhafi, kuldi í Túnis og Líbýu.


« Síðasta færsla | Næsta færsla »

Bæta við athugasemd

Ekki er lengur hægt að skrifa athugasemdir við færsluna, þar sem tímamörk á athugasemdir eru liðin.

Um bloggið

Hungurdiskar

Höfundur

Trausti Jónsson
Trausti Jónsson
Höfundur er veðurfræðingur og áhugamaður um veður.

Færsluflokkar

Maí 2024
S M Þ M F F L
      1 2 3 4
5 6 7 8 9 10 11
12 13 14 15 16 17 18
19 20 21 22 23 24 25
26 27 28 29 30 31  

Nýjustu myndir

  • Slide10
  • Slide9
  • Slide11
  • w-1945v
  • Slide8

Heimsóknir

Flettingar

  • Í dag (21.5.): 369
  • Sl. sólarhring: 371
  • Sl. viku: 1915
  • Frá upphafi: 2355762

Annað

  • Innlit í dag: 345
  • Innlit sl. viku: 1769
  • Gestir í dag: 325
  • IP-tölur í dag: 324

Uppfært á 3 mín. fresti.
Skýringar

Eldri færslur

Innskráning

Ath. Vinsamlegast kveikið á Javascript til að hefja innskráningu.

Hafðu samband