Kalt víða í Evrópu - ekki vorsvipur hér heldur

Þó nokkrir kaldir dagar hafi komið hér að undanförnu er samt varla hægt að tala um kulda að ráði. Þetta er ósköp venjuleg aprílveðrátta hvað sem síðar verður. En útlitið næstu vikuna er heldur dapurt, virðist eiga að skiptast á leiðindaveður og skárri en kaldir dagar. 

Aftur á móti eru - að tiltölu - enn meiri leiðindi víða í Evrópu. Þar á spretta að vera byrjuð - og er það auðvitað mjög bagalegt þar að sitja uppi með þrálát næturfrost (sem við þolum hins vegar mjög vel á þessum tíma). 

Við skulum líta á spá bandarísku veðurstofunnar sem gildir á morgun, þriðjudag 18. apríl. 

w-blogg170417a

Jafnhæðarlínur 500 hPa-flatarins eru heildregnar. Af þeim má ráða vindátt og vindhraða. Þykkt er tilgreind í litum, hún mælir hita í neðri hluta veðrahvolfs. Mörkin á milli bláu og grænu litanna er við 5280 metra. Það er vetrarástand við Hvítahaf (þykkt minni en 5100 metrar) - en það er alvanalegt þar á þessum tíma. Guli liturinn byrjar við 5460 metra - þar sem hann ríkir er komið sumar (á okkar mælikvarða). Það er rétt suður við Miðjarðarhaf þar sem hiti er orðinn sumarlegur - meir að segja mög hlýtt syðst á Pýrenneaskaga.

Annars teygir sig kaldur fingur úr norðri suður til Alpa - bláa litnum fylgir næturfrost og sé skýjað eru dagar líka mjög svalir og hráslagalegir. Skíni sól nær síðdegishiti sér sæmilega upp sunnan undir vegg - og sól er auðvitað hærra á lofti en hér á landi suður á Þýskalandi. - Ívið skárra er á Bretlandseyjum. 

Og þetta á víst í aðalatriðum að halda áfram - fleiri kaldra fingra að vænta langt úr norðri síðar í vikunni og um næstu helgi.

Við sitjum, eins og áður sagði, í óttalegum leiðindum, svala og hraglanda lengst af og búum áfram við hótanir um alvöruhret (sem ekki er þó víst að raungerist). 


« Síðasta færsla | Næsta færsla »

Athugasemdir

1 identicon

gæti kaldi bletturinn þítt meiri úrkomu í suður evrópu. um stækkun kalda blettsins gæti straumar hafa breist meðhörfun grænladsjökulls eða meiri sjór komið niður frá norðurheiskautinu á milli grænlans og kanada.  skildu verða meir öfgar í veðurfari verða hér á landi ef kaldi bletturinn stækkar er þettað upphafið að kaldatímabilinnu sem er vist óumflíjanlegt með reglulegu millibili. nú er að setja upp hettupeisuna fram í maí virðist vera fastur líður nú um stundir

kristinn geir steindórsson briem (IP-tala skráð) 17.4.2017 kl. 22:46

Bæta við athugasemd

Ekki er lengur hægt að skrifa athugasemdir við færsluna, þar sem tímamörk á athugasemdir eru liðin.

Um bloggið

Hungurdiskar

Höfundur

Trausti Jónsson
Trausti Jónsson
Höfundur er veðurfræðingur og áhugamaður um veður.

Færsluflokkar

Maí 2024
S M Þ M F F L
      1 2 3 4
5 6 7 8 9 10 11
12 13 14 15 16 17 18
19 20 21 22 23 24 25
26 27 28 29 30 31  

Nýjustu myndir

  • Slide10
  • Slide9
  • Slide11
  • w-1945v
  • Slide8

Heimsóknir

Flettingar

  • Í dag (23.5.): 54
  • Sl. sólarhring: 93
  • Sl. viku: 1595
  • Frá upphafi: 2356052

Annað

  • Innlit í dag: 50
  • Innlit sl. viku: 1480
  • Gestir í dag: 47
  • IP-tölur í dag: 46

Uppfært á 3 mín. fresti.
Skýringar

Eldri færslur

Innskráning

Ath. Vinsamlegast kveikið á Javascript til að hefja innskráningu.

Hafðu samband