Breytileiki hita frá ári til árs 2

Þá er reiknað hvernig hiti í Reykjavík breytist með ríkjandi vindi í háloftunum. Í ljós kemur að því stríðari sem vestanáttin er því kaldara er í veðri, því meiri sem sunnanáttin er - því hlýrra er í veðri og því hærri sem 500 hPa-flöturinn er því hlýrra er í veðri. Við eigum til mælingar á þessum þremur þáttum aftur til 1949. Fyrsta myndin sýnir niðurstöður.

w-blogg110414 

Lóðrétti ásinn sýnir raunverulegan meðalhita, en sá lárétti reiknaðan. Árin eru merkt með krossi og ártali. Við sjáum strax að 1979 er langkaldast - en reiknaður hiti þess er samt litlu lægri heldur en 1983. Árið 2003 er hlýjast en bæði 1960 og 2002 reiknast hlýrri.

Ef við rýnum í myndina má sjá að kuldaskeiðið á árunum frá 1965 til 1995 er kaldara heldur en hringrásarreikningarnir segja til um, árin eftir aldamót eru hlýrri heldur en reikningarnir segja.

Þetta sést vel á næstu mynd.

w-blogg110414b

Hér sýnir blár ferill mældan hita, en sá rauði þann reiknaða. Hér má greinilega sjá að ferlarnir fylgjast allvel að frá ári til árs - en flest köldu árin eru þó neðan við reiknaða hitann og þau hlýju ofan við - en samt þannig að munurinn er greinilega meiri á þessari öld heldur en á hlýskeiðinu fyrir 1965.  

Við skulum kalla muninn á reiknuðum og réttum hita óútskýrðan afgang og búum til tímaröð hans frá 1949 til 2013.

w-blogg110414c

Við sjáum að hringrásin í næsta nágrenni landsins skýrir um það bil helming breytileikans. Leifin breytist hins vegar furðureglulega eftir tímabilum - áratugasveiflur hitans sitja eftir óskýrðar.

Allir þessir reikningar eru gerðir til skemmtunar - munið það lesendur góðir.


« Síðasta færsla | Næsta færsla »

Bæta við athugasemd

Ekki er lengur hægt að skrifa athugasemdir við færsluna, þar sem tímamörk á athugasemdir eru liðin.

Um bloggið

Hungurdiskar

Höfundur

Trausti Jónsson
Trausti Jónsson
Höfundur er veðurfræðingur og áhugamaður um veður.

Færsluflokkar

Mars 2025
S M Þ M F F L
            1
2 3 4 5 6 7 8
9 10 11 12 13 14 15
16 17 18 19 20 21 22
23 24 25 26 27 28 29
30 31          

Nýjustu myndir

  • w-blogg300325a
  • w-2008-hitabylgja-rvk-linurit
  • Slide13
  • w-2008-hitabylgja-rvk-linurit
  • tx rvk 300708 arason i08m afrit

Heimsóknir

Flettingar

  • Í dag (31.3.): 66
  • Sl. sólarhring: 431
  • Sl. viku: 1598
  • Frá upphafi: 2457153

Annað

  • Innlit í dag: 61
  • Innlit sl. viku: 1465
  • Gestir í dag: 58
  • IP-tölur í dag: 56

Uppfært á 3 mín. fresti.
Skýringar

Eldri færslur

Innskráning

Ath. Vinsamlegast kveikið á Javascript til að hefja innskráningu.

Hafðu samband