Kalt við Korpu

Á vef Veðurstofunnar má sjá hvar hiti er hæstur eða lægstur á landinu - bæði fyrir daginn í heild og síðastliðna klukkustund. Oftast er lægsti hiti landsins einhvers staðar inni í landi, uppi á hálendinu eða á fjallatindum. Í dag miðvikudaginn 14. nóvember ber hins vegar svo við að veðurstöðin á Korpu í úthverfi Reykjavíkur nær því að vera með lægsta lágmarkshita landsins. Lítum á listann klukkustund fyrir klukkustund:

STÖР MÁN  DAGUR  KLST lágmark NAFN stöðvar
1479    2       14      1       -4.6    Korpa
1479    2       14      2       -5.2    Korpa
1479    2       14      3       -5.4    Korpa
1473    2       14      4       -4.4    Straumsvík
1479    2       14      4       -4.4    Korpa
1479    2       14      5       -4.5    Korpa
6459    2       14      6       -4.9    Lónakvísl
6459    2       14      7       -5.2    Lónakvísl
6459    2       14      8       -4.7    Lónakvísl
6459    2       14      9       -4.5    Lónakvísl
6459    2       14      10      -4.5    Lónakvísl
6459    2       14      11      -4.0    Lónakvísl
1479    2       14      11      -4.0    Korpa
6459    2       14      12      -3.6    Lónakvísl
6459    2       14      13      -5.1    Lónakvísl
6459    2       14      14      -4.2    Lónakvísl
2636    2       14      15      -3.2    Þverfjall
6459    2       14      16      -3.6    Lónakvísl
2636    2       14      17      -3.6    Þverfjall
3474    2       14      17      -3.6    Vaðlaheiði
2636    2       14      18      -3.8    Þverfjall
1486    2       14      19      -4.0    Bláfjöll
1486    2       14      20      -4.6    Bláfjöll
6975    2       14      21      -4.4    Sandbúðir
6975    2       14      22      -4.5    Sandbúðir
1479    2       14      23      -4.9    Korpa
1479    2       14      24      -4.9    Korpa

Lágmarkið á Korpu kl. 3 er lægsti hiti sólarhringsins á landinu (miðað við almennar stöðvar). Dægursveifla á Korpu er allstór þannig að Lónakvísl á Tungnáröræfum [hæð 675 metrar] og nokkrar aðrar stöðvar hátt yfir sjó verða lægstar yfir daginn. Í dag var skýjað um mestallt land og víða vindur, en lygnt var á höfuðborgarsvæðinu og bjart. Við skulum líta á vegagerðarstöðvarnar líka:

STÖР MÁN  DAGUR  KLST lágmark NAFN stöðvar
31488   2       14      1       -7.1    Sandskeið
31488   2       14      2       -7.4    Sandskeið
31488   2       14      3       -6.9    Sandskeið
31488   2       14      4       -6.8    Sandskeið
31950   2       14      5       -4.0    Stórholt
31950   2       14      6       -4.1    Stórholt
31488   2       14      7       -2.8    Sandskeið
33357   2       14      8       -2.0    Öxnadalsheiði
31579   2       14      9       -2.3    Kjalarnes
31950   2       14      10      -4.0    Stórholt
31950   2       14      11      -3.9    Stórholt
31950   2       14      12      -1.7    Stórholt
34238   2       14      13      -1.5    Möðrudalsöræfi II
34326   2       14      13      -1.5    Biskupsháls
34238   2       14      14      -1.4    Möðrudalsöræfi II
34326   2       14      15      -1.3    Biskupsháls
32474   2       14      16      -1.4    Steingrímsfjarðarheiði
33357   2       14      16      -1.4    Öxnadalsheiði
33357   2       14      17      -1.6    Öxnadalsheiði
31488   2       14      18      -3.3    Sandskeið
31488   2       14      19      -3.2    Sandskeið
31488   2       14      20      -3.4    Sandskeið
31488   2       14      21      -2.2    Sandskeið
31392   2       14      22      -2.7    Hellisheiði
31488   2       14      23      -4.7    Sandskeið
31488   2       14      24      -5.4    Sandskeið

Sandskeið er í nágrenni borgarinnar og þar var enn kaldara heldur en á Korpu síðastliðna nótt. Kjalarnes náði því meira að segja að verða kaldasta vegagerðarstöðin kl. 9 Yfir miðjan daginn var lágmarkið á hefðbundnari stöðum.

Þá er spurningin hvort Korpa hafi áður átt lægsta hita á landinu frá því að sjálfvirkar athuganir hófust þar á bæ. Svarið er já, en aðeins einu sinni. Það var 29. september árið 2000. Lágmarkshitinn var þá 1,0 stig. Það er mun oftar að Sandskeið á lægsta lágmark vegagerðarstöðvanna, síðast 5. febrúar í ár.

Athugasemdir

[Bjarni Gunnlaugur (IP-tala skráð) 15.2.2013 kl. 08:09]

Það er ótrúlega oft kaldast á landinu í byggð, (raunar stundum heitast líka) hér á næsta bæ Kálfhóli, 25 km. fyrir ofan Selfoss á láglendi Suðurlands. Trúlega hefur Þjórsáin þessi áhrif að "toga" kalt loftið sem fellur ofan af hálendinu, með sér út á láglendið. Samt skrítið!

[Trausti Jónsson, 16.2.2013 kl. 01:17]

Ég fletti því upp hversu oft Kálfhóll hefði átt lægsta og hæsta hita landsins frá því að stöðin var stofnuð fyrir rúmum níu árum. Það er álíka oft á hvorn veginn - um tuttugu sinnum. Það er tvisvar til þrisvar á ári. Hafa verður í huga að í lágmarkinu keppir stöðin við allar aðrar, hálendi, fjallatinda jafnt sem láglendi - erfið samkeppni fyrir flatlendisstöð. Ég er ekki alveg nægilega kunnugur staðháttum til að meta hvaðan kuldinn kemur - hann gæti líka verið heimatibúinn - rétt eins og á Korpu í gær.