Af deyfunni

Við lítum í skyndingu á stöðu hita, úrkomu og sólskinsstunda í Reykjavík frá 1. júní til 15. júlí miðað við síðustu 64 ár.

Hiti: 9,8 stig. Í 35. sæti (ofanfrá), kaldast frá 2006, ekki sem verst - miðað við tímabilið allt

Úrkoma: 115,4 mm. Í 5. sæti (ofanfrá) - harla blautt. Aðeins vantar 10,2 mm upp á það úrkomumesta, það var 1969.

Sólskinsstundir 189. Í 6. sæti (neðanfrá) - harla dauft en talsvert ofan við það sólarminnsta (1969 með 162 stundir).

Síðustu sjö dagar hafa aðeins skilað 16,6 sólskinsstundum. Það er þó ekki það versta sem sést hefur áður í sömu viku (dauf getur sumarvikan verið).