Hvasst í háloftunum

Í gær, mánudaginn 22.október, var óvenjuhvasst í efri hluta veðrahvolfs í námunda við landið. Vindur í 250 hPa hæð (rúmlega 10 km) mældist 89 m/s yfir Keflavíkurflugvelli, það mesta sem vitað er um í þeirri hæð í októbermánuði. Í 300 hPa hefur vindur aðeins þrisvar mælst meiri en nú, aðeins tvisvar í 200 hPa og aðeins fjórum sinnum í 400 hPa. Neðar (og ofar) var vindur ekki nærri metum.