Ný hámarkssnjódýptartafla fyrir Reykjavík

Rétt að benda á að nú hafa orðið breytingar á hámarkssnjódýptartöflu fyrir Reykjavík. Gömul tafla á vef Veðurstofunnar verður vonandi endurnýjuð næstu daga - en þar til er afrit af nýju gerðinni hér:

Mesta snjódýpt í einstökum mánuðum í Reykjavík 

		metár	mánaðardagur	cm
1	janúar	1937	18	55
2	febrúar	2017	26	51
3	mars	1949	1	35
4	apríl	1989	1	32
5	maí	1987	1	17
9	september	1969	30	8
10	október	2013	8	13
11	nóvember	1978	24	38
12	desember	2015	4	44

Rétt er að vekja athygli á því að gamla marsmetið fellur líka haldist snjórinn lítt skertur fram á miðvikudag (1. mars). - Þessi listi verður þá strax úreltur.

Athugasemdir

[Ómar Ragnarsson, 27.2.2017 kl. 12:49]

Hvað varð að 48 sm snjódýptinni 1952?

[Trausti Jónsson, 27.2.2017 kl. 13:10]

Hvað áttu við Ómar? Hún stendur enn sem slík - það mældist bara meira í gær og 1952 féll þar með út úr þessari töflu.

[Brynjar Ingi Magnússon (IP-tala skráð) 27.2.2017 kl. 15:03]

Má gera ráð fyrir því að metin fyrir mars, apríl og maí séu met sem í raun eru sett vegna snjókomu fyrri mánaðar?

[Trausti Jónsson, 27.2.2017 kl. 17:50]

Brynjar - 1949 (núgildandi marsmet) átti sér stað þegar nokkrir cm bættust ofan á eldri snjó - , 1989 (núgildandi aprílmet) - daginn áður, þann 31. mars, var nær alautt - snjókoman er aprílsnjókoma. Alautt var 29. apríl 1987 - en síðan komu 10 cm sem mældust að morgni þess 30. - en síðan bættust við 7 fram til 1. maí - þetta var allt snjókoma um mánaðamótin. 

Núna er staðan hins vegar sú að langt er frá 51 cm niður í 35 cm - líklega sitjum við því nú uppi með marsmet vegna snjókomu nokkrum dögum áður - í febrúar. - En þannig er það bara. 

[Ómar Ragnarsson, 27.2.2017 kl. 23:34]

Afsakaðu, Trausti að ég skyldi ekki lesa texta þinn nákvæmar. Leit of lauslega yfir töfluna sem sýndist við fyrstu sýn vera yfir með topp fimm úr talnalistanum í heild. 

[Hjalti Þórðarson (IP-tala skráð) 28.2.2017 kl. 14:20]

Merkilegt á þessum hlýja vetri. Ég er hissa að snjódýpt skyldi ekki mælast meiri undir vor 1989. Ég bjó þá í Reykjavík og það er í fyrsta og eina skiptið sem bíllinn minn hefur snjóað á kaf. Að vísu ekki stór bíll né hávaxinn en bíll þó. Þá var líka gríðarlegur snjór á Norðurlandi og víðast hvar ef ég man rétt.