Engin breyting á veðri á höfuðdaginn 1886

Gömul frétt, Ísafold 1. september 1886:

Óþurrkarnir sem byrjuðu hér á Suðurlandi um miðjan fyrri mánuð (ágúst), haldast enn, og hefir ekkert breyst með höfuðdeginum. Stórstreymt var hér um höfuðdaginn í meira lagi, og það svo, að elstu menn minnast eigi þess, að sjór hafi gengið eins langt á land um sumartíma að minnsta kosti eins og 30. f. m. hér í bænum, er meiri partur Austurstrætis varð eins og fjörður og flóði yfir talsvert af Austurvelli; var þó logn og sjólaust.

 

Þann 2. september urðu einhver hin mestu skriðuföll sem vitað er um á seinustu öldum á Kjalarnesi,  í ofsafenginni rigningu.