Þurrklengd í Reykjavík?

Af einhverjum ástæðum er verið að tala um að það í fjölmiðlum að alveg úrkomulaust hafi verið í Reykjavík frá og með 19.janúar til þessa dags (9.febrúar) - en það er bara ekki rétt. Að morgni þess 31.janúar mældist úrkoma 0,4 mm - tegund talin snjór í yfirliti Veðurstofunnar. Þó þurrkurinn sé að verða fremur óvenjulegur klippir þessi eini dagur kaflann í sundur og metlengd er því enn víðs fjarri - hvað sem svo síðar verður.

Þeir sem nenna geta rifjað upp gamlan pistil á vef Veðurstofunnar - hann fjallar um þurrklengd í Reykjavík - hugsanlegt er að hann þarfnist endurnýjunar - en flest sem í honum er stendur þó lítt eða óhaggað. - Þurrkkaflar í Reykjavík.

Athugasemdir

[Sveinn Arngrímsson (IP-tala skráð) 9.2.2021 kl. 20:27]

En eru til álíka langir kaflar með einum degi með svona litlu úrkomumagni í bókum veðurfræðinga? Met geta verið alls konar :-)

[Trausti Jónsson, 9.2.2021 kl. 23:18]

Í pistlinum sem tengillinn vísar til er fjallað um slíka kafla (auðvitað eru hlutir aldrei alveg eins). Þar kemur fram að lengsti kafli án dags með úrkomu upp á 1 mm er 53 dagar og aðrir slíkir kaflar, allir lengri en 34 dagar eru þar taldir upp.