Vindáttatíðni á landinu (láglendi)

Við lítum nú snöggt á vindáttatíðni á sjálfvirkum veðurstöðvum á landinu. Ritstjórn hungurdiska hefur ekki enn komið sér upp lipru vindrósarsniðmáti (?) þannig að tíðnin er sýnd á þann hallærislega hátt að lárétti ásinn sýnir áttina (hér í gráðum/10) en sá lóðrétti prósentur.

w-blogg301011

Myndin nær aðeins til láglendis landsins og er lítillega þjáð af landshlutapoti, landshlutar þar sem (sjálfvirkar) veðurstöðvar eru tiltölulega þéttar hafa meira vægi en aðrir. Það ætti samt ekki að koma svo mjög að sök (lítið t.d. á stöðvakort á vef Veðurstofunnar).

Á myndinni eru þrír mismunandi ferlar, sá blái sýnir vindáttatíðnina í hægviðri (vindhraði minna en 5 m/s), sá rauði tekur til vindhraða á bilinu 5 til 10 m/s og sá græni til 10 - 15 m/s.

Í hægviðrinu eru tvö tíðnihámörk - í kringum 50 til 90 gráður (milli norðausturs og austurs). Annað hámark aðeins hærra - en þrengra - er í kringum 190 til 220 gráður (milli suðurs og suðvesturs). Áttir milli vesturs og norðurs eru fátíðastar. Rauði ferillinn sýnir að norðaustanáttin stelur frá vestlægu áttunum. Þjófnaðarins gætir enn meir í græna ferlinum - þeim sem sýnir 10 til 15 m/s og er norðnorðaustanáttin þá orðin tíðust allra vindátta.

Áhrif nærlandslags eru mest í hægum vindi - en fjærlandslagið skiptir því meira máli sem vindhraði er meiri.


« Síðasta færsla | Næsta færsla »

Athugasemdir

1 identicon

Sæll Trausti.

Það kemur á óvart að bilið  A - S  skuli vera " öldudalur " , þae. " konkaf " í

heild sinni,  á þessum vindhraðagildum. Skyldi kúrfan ekki snúast í "konvex"

með max gildi í  " öldutoppi"  á vinhraðabilinu 15 - 20 +  m/s   ,  þarna á bilinu A-S . ?

Í heild sinni virðist þetta ek. sinusfall þó með verulegri óreglu .

óli Hilmar Briem Jónsson (IP-tala skráð) 30.10.2011 kl. 23:27

2 Smámynd: Trausti Jónsson

Óli Hilmar. Tíðnidreifingin er eiginlega nákvæmlega eins í 15 til 20 m/s og í 10 til 15 m/s. Ofan við 20 m/s leitar sunnanáttartoppurinn heldur til suðausturs, eins og þig greinilega grunar. Við enn meiri vindhraða verður landsmeðaltal af þessu tagi merkingarminna - niðurstaðan ræðst þá af ríkjandi vindáttum á þeim fáu stöðvum þar sem vindhraði er oftast mikill. Öðruvísi talningar fara þá að eiga við.

Trausti Jónsson, 31.10.2011 kl. 01:11

Bæta við athugasemd

Ekki er lengur hægt að skrifa athugasemdir við færsluna, þar sem tímamörk á athugasemdir eru liðin.

Um bloggið

Hungurdiskar

Höfundur

Trausti Jónsson
Trausti Jónsson
Höfundur er veðurfræðingur og áhugamaður um veður.

Færsluflokkar

Nóv. 2019
S M Þ M F F L
          1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30

Nýjustu myndir

  • w-blogg111119c
  • w-blogg111119b
  • w-blogg111119a
  • w-blogg04119a
  • w-blogg031119a

Heimsóknir

Flettingar

  • Í dag (13.11.): 134
  • Sl. sólarhring: 177
  • Sl. viku: 1553
  • Frá upphafi: 1850158

Annað

  • Innlit í dag: 117
  • Innlit sl. viku: 1339
  • Gestir í dag: 103
  • IP-tölur í dag: 95

Uppfært á 3 mín. fresti.
Skýringar

Innskráning

Ath. Vinsamlegast kveikið á Javascript til að hefja innskráningu.

Hafðu samband