Alþjóðasumarið - landsmeðalhiti

Alþjóðaveðurfræðistofnunin telur mánuðina júní til ágúst til sumarsins - Veðurstofan bætir september hins vegar við. Við skulum nú athuga hvernig nýliðið alþjóðasumar stóð sig hér á landi hvað hita varðar.

Lóðrétti ásinn sýnir hita, en sá lárétti ár frá 1874 til 2017. Nýliðið sumar er lengst til hægri á myndinni. Það liggur vel ofan meðallags tímabilsins alls, í 42. sæti af 144, en á þessari öld hafa 11 verið hlýrri - enda sérlega hlý. 

Við tökum leitni tímabilsins alls svona hóflega alvarlega, en nefnum þó að nýliðið alþjóðasumar er alveg á leitnilínunni - á væntingareit (sé eitthvað svoleiðis til). 

Í leiðinni lítum við á landsmeðalhita fyrstu 8 mánuði ársins.

Tímabilið er mjög hlýtt í ár, hefur aðeins 7 sinnum verið jafnhlýtt eða hlýrra. Leitnin reiknast 1,2 stig á öld. 

Svo virðist sem meðalhiti júní til ágúst 2017 endi í 10,8 stigum í Reykjavík. Það er í kringum 30. sæti á 147-áralistanum, en í 12 sæti (af 17) á öldinni. Telst eindregið hlýtt að þriðjungatali, en á mörkum þess að vera hlýtt og mjög hlýtt sé fimmtungaflokkun beitt.

Á Akureyri verður meðalhiti þessara mánaða nærri 10,5 stigum og í 40. sæti á 137-áralista þess staðar.

Athugasemdir

[Bjarne Örn Hansen (IP-tala skráð) 31.8.2017 kl. 22:39]

Hvernig er þetta með ykkur þessa "kóna" getið þið ekki lært tungumál?

Maður segir "Júni fram í Ágúst"

og

"fyrstu 8 mánuði ársins"

og hvaða "helv" bull er þetta um "alþjóða" sumar? Er läika "sumar" í Ástralíu á þessum tíma?

Almáttugur.

[Hörður Þormar (IP-tala skráð) 1.9.2017 kl. 18:03]

Æ, Bjarne minn, líttu þér nær!