Eftir frekar rólega tíð stefna ...

Eftir frekar rólega tíð stefna lægðirnar nú til okkar í langri röð. Vonandi fer hann þó vel með (eins og sagt er) - stundum renna lægðirnar hjá tiltölulega tíðindalítið þó kröftugar sýnist. Veðurstofan fylgist væntanlega með slíku og varar við verði þörf á.

Kortið sýnir stöðuna síðdegis á sunnudag (11. desember) í boði evrópureiknimiðstöðvarinnar. Skilasvæði lægðarinnar stóru við Suður-Grænland verður þá farið hjá - nema hvað enn rignir talsvert á Suðurlandi. Næsta lægð er þarna í vexti beint suður af landinu - og á að fara yfir það á mánudag - og sú þriðja ræður veðri síðdegis á þriðjudag - varla nema einn til tveir sólarhringar á milli lægða.