Breyting - tilbreyting

Aldrei þessu vant verður hæðarhryggur í námunda við landið mestalla vikuna (eftir að lægðin sem nú er við landið yfirgefur okkur). Auðvitað verður að bæta við: Sé að marka spár evrópureiknimiðstöðvarinnar (sem aldeilis er ekki alltaf). En verði úr telst það allgóð tilbreyting. 

En spákort sunnudagsins (21. febrúar) lítur svona út. Jafnhæðarlínur eru heildregnar, af þeim má ráða vindátt og styrk - þykktin mælir hita í neðri hluta veðrahvolfs, því meiri sem hún er því hlýrra er loftið. 

w-blogg200216a

Strikaða línan sýnir ás hæðarhryggjarins - austan við hann stendur vindur úr norðvestri og norðri - beinir til landsins köldu lofti - sem þó verður að teljast furðuhlýtt miðað við árstíma og uppruna. Annars hefur mat á hlýindum í norðanátt alltaf vafist aðeins fyrir ritstjóranum þrátt fyrir þónokkrar tilraunir til að ná fastataki. Kannski eitthvað verði um það ritað um síðir. 

En þessi hæðarhryggur á sum sé að þvælast fyrir lægðaásókn næstu vikuna. Kuldapollurinn mikli - Stóri-Boli - er helfjólublár á sveimi á sínum heimaslóðum og á að pikka í hrygginn á fimmtudaginn. Tillögu reiknimiðstöðvarinnar að þeirri aðför má sjá hér að neðan.

w-blogg200216b

Kortið gildir kl.18 á fimmtudag (25. febrúar). Rauða strikalínan sýnir sama hrygg og á fyrri mynd - hann hefur á fjórum dögum mjakast til austurs - en enn í hagstæðri stöðu fyrir okkur. Kaldur fingur Stóra-Bola potar til suðausturs og austurs - en fari sem reiknimiðstöðin reiknar fer allur sá kuldi til austurs fyrir sunnan land - annars hafa frekar kaldar sunnanáttir verið jafnmikið í tísku og hlýjar norðanáttir. 

En þetta er að mörgu leyti hagstæð febrúarstaða - fagna má hverri illindalítilli viku (jafnvel hverjum degi) meðan beðið er vors.  


« Síðasta færsla | Næsta færsla »

Athugasemdir

1 identicon

Já, spáin framundan er góð fyrir þá sem fagna stillum og fallegu vetrarveðri - en ekki fyrir þá sem vilja hafa þokkaleg hlýindi þó svo að þeim fylgi rok og rigningar!

Samkvæmt upplýsingum frá þér, Trausti, á fésbókarsíðu þinni er febrúar búinn að vera óvenju kaldur og stefnir í kaldasta febrúarmánuð síðan 2002, a.m.k. hér á höfuðborgarsvæðinu. Árið hefur einnig byrjað kuldalega að sama skapi því janúar var einnig frekar kaldur, sérstaklega fyrir norðan og austan.

Þessum kulda er spáð út mánuðinn hvort heldur sem "hlý" norðanátt eða köld sunnanátt verði ráðandi. 

Þar með stefnir í að árið í heild verði kalt annað árið í röð og það þriðja á fjórum árum. Vísbendingarnar eru þannig alltaf að verða sterkari um að við séum að fara inn í nýtt kuldatímabil eins og ríkti hér fyrir aldamót. Hvort það standi í 35 ár eins og það síðasta skal ósagt látið. 

Torfi Stefánsson (IP-tala skráð) 20.2.2016 kl. 09:51

2 identicon

þetað er ágætis veður meira í samræmi við árstímanvonandi veitir þettað á gott vor höfum farið á mis við það á seinustu árum þó veturnir hafi verið góðir. rafninn er minsta kosti farin að stela greinum í garðinum svo hann er í bjartsínni kantinum þettað árið

kristinn geir steindórsson briem (IP-tala skráð) 20.2.2016 kl. 17:37

3 Smámynd: Pálmi Freyr Óskarsson

Þessi norðanátt er ekkert sérstaklega köld hérna í Vestmannaeyjum Torfi. Til dæmis er tveggja stiga hiti í dag. ;)

E.s. Trausti ég er enn að bíða í rólegheitum eftir mánaðar og ársyfirlitum frá Vestmannaeyjastöðvunum. Reyndar óskiljanlegt hvers vegna er ekki hægt setja það á veður.is svo maður þurfi ekki alltaf að bíða þig reglulega um það.

palmifreyroskarsson@gmail.com

Pálmi Freyr Óskarsson, 21.2.2016 kl. 16:26

Bæta við athugasemd

Ekki er lengur hægt að skrifa athugasemdir við færsluna, þar sem tímamörk á athugasemdir eru liðin.

Um bloggið

Hungurdiskar

Höfundur

Trausti Jónsson
Trausti Jónsson
Höfundur er veðurfræðingur og áhugamaður um veður.

Færsluflokkar

Mars 2024
S M Þ M F F L
          1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31            

Nýjustu myndir

  • w-blogg200324b
  • w-blogg200324a
  • Slide10
  • Slide9
  • Slide8

Heimsóknir

Flettingar

  • Í dag (28.3.): 20
  • Sl. sólarhring: 61
  • Sl. viku: 511
  • Frá upphafi: 2343273

Annað

  • Innlit í dag: 17
  • Innlit sl. viku: 463
  • Gestir í dag: 17
  • IP-tölur í dag: 16

Uppfært á 3 mín. fresti.
Skýringar

Eldri færslur

Innskráning

Ath. Vinsamlegast kveikið á Javascript til að hefja innskráningu.

Hafðu samband